Samarqand viloyati IIB Yo‘l harakati xavfsizligi boshqarmasi Oqdaryo tumanida kanalga tushib ketganini ma’lum qildi.
Qayd etilishicha, 8-iyul kuni soat 11:15 larda Oqdaryo tumani “Boshdarxon” MFY ichki yo‘lida haydovchi Nexia-3 rusumli avtomobilini boshqarib kelayotib, rul boshqaruvini yo‘qotishi oqibatida Shaxob kanaliga tushib ketgan.
Hodisa natijasida haydovchi tan jarohati olmagan, vafot etganlar yo‘q. Nexia-3 rusumli avtomashinaga moddiy zarar yetgan.
Holat yuzasidan Oqdaryo tumani IIB tomonidan dastlabki surishtiruv ishlari olib borilmoqda.
Kuni kecha Samarqand shahrida Nexia-2 Siyob kanaliga tushib ketgani to‘g‘risida xabar berilgandi. Shuningdek, shu yilning fevralida Namanganda Nexia-2 paromga chiqish vaqtida daryoga tushib ketgan edi.
Izoh (0)