Samarqand shahrida 23-mart kuni kanalga tushib ketgan Jiguli chiqarib olindi. Bu haqda viloyat Favqulodda vaziyatlar boshqarmasi axborot xizmati xabar berdi.
Xabarga ko‘ra, holat 23-mart kuni soat 11:11 da Samarqand shahri “Oqsaroy” MFY Ro‘dakiy ko‘chasida sodir bo‘lgan. Mazkur ko‘cha bo‘ylab harakatlanib ketayotgan Jiguli haydovchisi boshqaruvni yo‘qotishi natijasida ushbu hududdan oqib o‘tuvchi Siyobcha kanaliga tushib ketgan.
Favqulodda vaziyatlar boshqarmasining bir guruh qutqaruvchilari voqea joyiga yetib borib, avtomashinani kanaldan olib chiqdi. Hodisa natijasida vafot etgan va tan jarohati olganlar yo‘q.
Izoh (0)