“Yangi O‘zbekiston massivi” loyihasi mahallagacha tushirilishi belgilandi. Bu haqda 12-iyul kuni prezident raisligidagi yig‘ilishda ma’lum qilindi.
Qayd etilishicha, hozirda “Yangi O‘zbekiston” massivlarini qurishga shaharlar atrofidan yer ajratilmoqda, lekin Qo‘qon, Marg‘ilon kabi shaharlar, tuman markazlaridagi mahallalar qiyofasi eskiligicha qolib ketmoqda.
Shu bois “Yangi O‘zbekiston massivi” loyihasi mahallagacha tushirilishi belgilandi. Bunda shahar va tuman markazlarida 5 tadan eski mahallalar tanlab olinadi. Ularda 7-10 qavatli uylar qurish uchun xususiy sektor jalb qilinadi, uylar birinchi galda ushbu mahalla aholisiga beriladi.
Majlisda aytilishicha, so‘nggi uch yilda Qo‘qonda bor-yo‘g‘i 630 ta xonadonli 17 ta ko‘p qavatli uylar qurilgani shahar ehtiyoji uchun yetarli emasligi ko‘rsatib o‘tildi.
Mutasaddilarga Qo‘qondagi birinchi “Mahalla massivi” qurilishini boshlash uchun joy tanlash va loyihasini ishlab chiqish topshirildi.
Izoh (0)