Ko‘ksaroy qarorgohida 18-iyul kuni O‘zbekistonga davlat tashrifini amalga oshirayotgan Qirg‘iziston prezidenti Sadir Japarovni rasmiy kutib olish marosimi bo‘ldi.
Prezident matbuot xizmati xabar qilishicha, qarorgoh oldidagi maydonda davlat bayroqlari ko‘tarildi va faxriy qorovul saf tortdi. Shavkat Mirziyoyev oliy martabali mehmonni samimiy kutib oldi va shohsupaga taklif etdi. Harbiy orkestr ikki davlat madhiyalarini ijro etdi.
Yetakchilar faxriy qorovul safi oldidan o‘tib, rasmiy delegatsiyalar a’zolarini qutladi.
-9MsUZ1nZ.jpg)
-PsyNi_tI.jpg)
Birgalikda suratga tushish marosimidan so‘ng oliy darajadagi muzokaralar boshlandi.
Oliy darajadagi muzokaralarda O‘zbekiston bilan Qirg‘iziston o‘rtasidagi keng qamrovli strategik sheriklik munosabatlarini yanada mustahkamlash masalalari muhokama qilinadi. O‘zaro savdo hajmini oshirish, biznes va hududlar darajasida kooperatsiya aloqalarini kuchaytirish, iqtisodiyotning ustuvor tarmoqlarida qo‘shma loyihalarni ilgari surish, transport-tranzit sohasidagi imkoniyatlardan foydalanish, madaniy-gumanitar almashinuvni faollashtirishga alohida e’tibor qaratiladi.
Davlat rahbarlari xalqaro va mintaqaviy siyosatning dolzarb jihatlari yuzasidan ham fikr almashadilar, shuningdek, ko‘p tomonlama tuzilmalar doirasidagi hamkorlik masalalari muhokama qilinadi. Qolaversa, bir qator qo‘shma loyihalarni ishga tushirish va ikki tomonlama hujjatlar to‘plamini imzolash ko‘zda tutilgan.
Izoh (0)