Iordaniya malikasi Hayya bintu al-Husayn Chepstou Summer International nomli ot sporti musobaqasida qizi bilan birga ishtirok etdi va g‘olib bolgan komandaga g‘alaba kubogini taqdim etdi.
Musobaqa Britaniyaning Chepstou shahrida o‘tkazildi. Grand-pri g‘olibi irlandiyalik Jessika Berk bo‘ldi. U 13 ta to‘siqdan iborat o‘yinda boshqa barha sportchilarni ortda qoldirdi. Sharafli mukofotni topshirish vazifasi bevosita Iordaniya malikasi Hayyaga topshirildi. Kumush kubokni esa uning otasi shoh Husayn tomonidan sovg‘a qilindi.
Malika tadbirga qizi Al Jalila bilan birga tashrif buyurdi. Ikkovlari ham ot sportiga katta qiziqish bildiradi. Hayya ilgari professional ot minuvchisi bo‘lgan. U atigi 13 yoshida xalqaro musobaqalarda ishtirok etib, mamlakat sharafini himoya qilgan. Keyinchalik sportdagi professional faoliyatini rivojlantirib, Xalqaro ot sporti federatsiyasi prezidenti va Xalqaro Olimpiya qo‘mitasi a’zosi bo‘lgan.
Qayd etish lozimki, Chepstoudagi musobaqa 2024-yilda o‘tkazilgan. Hayyaning ommaviy chiqishlari juda kam bo‘lgani uchun malika haqidagi yangiliklar ko‘pincha OAVga juda kech yetib boradi. Bunga malikaning o‘tmishi sabab qilib ko‘rsatiladi.
Hayya Dubay shayxidan qochib ketgan mojaro bilan tanilgan. U turmushga chiqishidan oldin faol hayot kechirgan: Oksfordni tamomlagan, bir nechta tillarni o‘rgangan va Olimpiya o‘yinlarida ot sporti bo‘yicha ishtirok etgan birinchi arab ayol bo‘lgan. Shu musobaqalardan birida u bo‘lajak turmush o‘rtog‘i — Dubay shayxi Muhammad bilan tanishgan.
Tez orada Hayya u bilan turmush qurgan, ammo ularning nikohi muammolarga to‘la bo‘lgan. Hayya Iordaniyaning amaldagi qirolichasi Raniya kabi G‘arb an’analari bo‘yicha tarbiya olgan edi, shuning uchun malika faol ommaviy hayotini davom ettirishni istagan, ammo shayx oilasi bunga qarshi bo‘lgan. Hayya faqatgina xayriya ishlari va ijtimoiy loyihalarda faoliyat yuritishni davom ettirgan, ammo bu ishlar shayx ikkisi o‘rtasidagi kelishmovchiliklarni yanada kuchaytirgan.
Natijada 2019-yilda malika Dubaydan 11 yoshli qizi va 7 yoshli o‘g‘li bilan qochib ketgan. Ba’zi manbalar uning qirollik oilasidan 35 million yevro olib chiqib ketganini iddao qilgan.
Avval Hayya Germaniyaga yo‘l oldi. Shayx Muhammad uni qaytarish maqsadida Germaniya sudiga bolalarni berishni talab qilib da’vo arizasi bilan murojaat qildi, ammo Germaniya buni qat’iyan rad etdi. Keyinchalik Hayya Buyuk Britaniyaga ko‘chib keldi. Hozirda malika London shahrida jamoatchilikdan yiroq joylarda 18 yoshli qizi va 13 yoshli o‘g‘li bilan tinch hayot kechirmoqda.
Izoh (0)