Madridning “Real” klubi “Parij Sen-Jermen” yarim himoyachisi Vitinyani o‘z safiga qo‘shib olishni istamoqda. Bu haqda Marca nashri xabar berdi.
Manbaga ko‘ra, portugaliyalik futbolchining amaldagi shartnomasida maxsus band mavjud. Unda 2026-yilgi Jahon chempionatidan keyin istalgan klub Vitinyani 90 million yevro evaziga sotib olishi mumkinligi yozilgan.
Avvalroq futbolchiga ko‘plab klublar tomonidan qiziqish bildirilaayotgani haqida xabarlar tarqalgan edi. Biroq “PSJ” yozgi transfer oynasi vaqtida 25 yoshli futbolchini qo‘yib yuborishni rejalashtirayotgani yo‘q.
“Real” yarim himoya chizig‘ini kuchaytirish uchun jiddiy harakat qilmoqda. Klub hozirda Enso Fernandesh, Aleksis Makallister va Rodri kabi futbolchilarning atrofidagi vaziyatni diqqat bilan kuzatib turibdi. Agar ushbu transferlar amalga oshmasa, “qirollik klubi” Vitinyani shu yozda xarid qilish uchun harakat qilib ko‘rishi mumkin.
- Vitinya o‘tgan mavsum barcha musobaqalar doirasida jami 59 ta o‘yinda maydonga tushib, 8 ta gol va 5 ta golli uzatmaga mualliflik qilgan.
- Transfermarkt portali futbolchining qiymatini 80 million yevroga baholamoqda.
- Vitinya va Parij klubi o‘rtasidagi shartnoma 2029-yilning yoziga qadar amal qiladi.
Izoh (0)