Klublar o‘rtasidagi Jahon chempionatining 3-turidan o‘rin olgan yana ikki uchrashuv bo‘lib o‘tdi. Musobaqaning D guruhi doirasidagi so‘nggi ikki bahs — “Esperans” – “Chelsi” hamda “Los-Anjeles” – “Flamengo” jamoalari o‘rtasida kechdi.
“Esperans” – “Chelsi” o‘rtasidagi bahs gollarga boy tarzda o‘tdi va londonliklar yirik 3:0 hisobida g‘alaba qozondi. Uchrashuvdagi gollarga Tosin Adarabioyo, Liam Delap va Tayrik Jorj mualliflik qildi.
Guruhdagi ikkinchi bahsda “Los-Anjeles” “Falmengo”ga qarshi maydonga tushdi. Qiziqarli va keskin kurashlar ostida o‘tgan bellashuvda jamoalar 1:1 hisobida durang o‘ynadi. Uchrashuvdagi hisob 84-daqiqada nominal mezbonlar tomonidan ochildi. Gol muallifi — Denis Buanga. Oradan ikki daqiqa o‘tib, “Flamengo” umumiy hisobni teng ko‘rinishga keltirib qo‘ydi — 1:1.
3-tur yakunlariga ko‘ra, D guruhida “Flamengo” 7 ochko bilan birinchi o‘rinni egallagan bo‘lsa, 6 ochkosi bor “Chelsi” ikkinchi pog‘onadan joy oldi. Har ikki jamoa ham keying bosqich masalasini hal qildi. “Esperans” (3) hamda “Los-Anjeles” (1) musobaqa bilan xayrlashdi.
Klublar o‘rtasidagi Jahon chempionati — 3-tur
25-iyun, chorshanba
“Esperans” – “Chelsi” 0:3
Gollar: 0:1 — Adarabioyo (45+3), 0:2 — Delap (45+5), 0:3 — Jorj (90+7).
“Los-Anjeles” — “Flamengo” 1:1
Gollar: 1:0 — Buanga (84), 1:1 — Yan (86).
Izoh (0)