Ushbu ish haftasi davomida O‘zbekiston hududi bo‘yicha nisbatan nam havo massasi sirkulyatsiyasi davom etadi, deb xabar bermoqda “O‘zgidromet”. Havo harorati iqlim meʼyorlari atrofida bo‘ladi.
9-iyun kuni respublika bo‘yicha baʼzi joylarda qisqa muddatli yomg‘ir yog‘adi, momaqaldiroq bo‘lishi mumkin. Shamol tezligi 13-18 metr/sekundgacha kuchayishi kutilmoqda. 10—11-iyun kunlari O‘zbekistonning shimoli-g‘arbida, 10—13-iyunda markaziy viloyatlar va Farg‘ona vodiysida baʼzi joylarda qisqa muddatli yomg‘ir yog‘ishi, momaqaldiroq bo‘lishi mumkin. Respublikaning cho‘l hududlarida va janubida yog‘ingarchilik kutilmaydi.
Havo harorati 30-35 daraja atrofida, janubda 37 darajagacha issiq bo‘ladi.
9-iyun va 12—13-iyunda respublika bo‘yicha shamol tezligi 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Tog‘oldi va tog‘li hududlarda vaqti-vaqti bilan yomg‘ir yog‘adi, momaqaldiroq kuzatiladi. 9-iyunda yomg‘ir yog‘adi, baʼzi joylarda kuchli bo‘ladi. Sel-suv toshqini hodisalari yuzaga kelishi mumkin.
Toshkentda 9-iyunda kunning ikkinchi yarmida qisqa muddatli yomg‘ir yog‘ishi, momaqaldiroq bo‘lishi mumkin. 10-iyunda yog‘ingarchilik kutilmaydi. 11-iyunda kechasi va ertalab qisqa muddatli yomg‘ir yog‘ishi mumkin, kunduzi yog‘ingarchilik kutilmaydi. 12—13-iyunda biroz qisqa muddatli yomg‘ir yog‘ishi, momaqaldiroq bo‘lishi mumkin. Harorat 9—13-iyunda kechalari 21-23 daraja, kunduz kunlari 33-35 daraja bo‘ladi.
Izoh (0)