Buxoroda IIBning qator mulozimlari ishdan olindi

Ichki ishlar vazirining buyrug‘i bilan Buxoro viloyati IIBning qator mulozimlari ishdan olindi.

Vazirlik matbuot xizmatining ma’lum qilishicha, quyidagilar egallab turgan lavozimidan ozod etildi:

• Buxoro viloyati IIB boshlig‘ining o‘rinbosari — Tergov boshqarmasi boshlig‘i,
• Buxoro viloyati IIB Huquqiy statistika va tezkor hisob ma’lumotlar markazi boshlig‘i,
• Buxoro shahar IIO FMB boshlig‘ining o‘rinbosari — jamoat xavfsizligi xizmati boshlig‘i,
• G‘ijduvon tumani Ichki ishlar boshqarmasi boshlig‘ining birinchi o‘rinbosari — tezkor qidiruv xizmati boshlig‘i
• yana bir o‘rinbosari — Tergov bo‘limi boshlig‘i,
• Kogon tumani Ichki ishlar bo‘limi boshlig‘ining birinchi o‘rinbosari — tezkor qidiruv xizmati boshlig‘i.

Shuningdek, viloyat IIB jamoat xavfsizligi xizmati boshlig‘ining o‘rinbosari — Huquqbuzarliklar profilaktikasi boshqarmasi boshlig‘i, Tergov boshqarmasi boshlig‘ining ikki nafar o‘rinbosari, viloyat IIB kotibiyat boshlig‘i, G‘ijduvon tumani Ichki ishlar boshqarmasi boshlig‘ining o‘rinbosari — jamoat xavfsizligi xizmati boshlig‘i, Kogon tumani Ichki ishlar bo‘limi boshlig‘i va uning o‘rinbosari — jamoat xavfsizligi xizmati boshliqlariga intizomiy jazolar qo‘llandi.

Xabarda aytilishicha, respublika ishchi guruhi Buxoro viloyatida o‘rganishlar o‘tkazgan. Kompleks inspektorlik tekshiruvi natijalariga ko‘ra, yuqoridagi xodimlar xizmat faoliyatida jiddiy kamchiliklarga yo‘l qo‘ygan.