Senatning beshinchi yalpi majlisida “Jinoyat ishini yuritish chog‘ida qamoqda saqlash to‘g‘risidagi O‘zbekiston Respublikasi qonuniga qamoqqa olinganlarga nisbatan qiynoqqa solish holatlarining oldini olishga qaratilgan qo‘shimcha kiritish haqida”gi qonun ko‘rib chiqildi. Bu haqda Senat matbuot xizmati xabar berdi.
Qonun bilan qamoqqa olinganlar tergov hibsxonasiga joylashtirilishidan oldin o‘sha yerning o‘zida majburiy tibbiy ko‘rikdan o‘tkazilishi nazarda tutilmoqda.
Qonunning qabul qilinishi insonning shaʼni va qadr-qimmati daxlsizligi kafolatlari yanada mustahkamlanishiga, davlatning inson huquqlari taʼminlanishi bo‘yicha xalqaro hamjamiyat oldidagi nufuzi oshishiga xizmat qiladi.
Senatorlar maʼqullagan qonun fuqarolarning odil sudlovga erishish darajasini yanada oshirish, ularning huquq va erkinliklari, shuningdek, qonuniy manfaatlari ishonchli himoya qilinishini taʼminlaydi.
Izoh (0)