Joriy hafta davomida O‘zbekiston hududi bo‘yicha havo biroz bulutli, shimolda o‘zgaruvchan bo‘ladi, yog‘ingarchilik kutilmaydi. Bu haqda “O‘zgidromet” xabar berdi.
Maʼlum qilinishicha, faqat tog‘li hududlarda baʼzi joylarda mahalliy xususiyatga ega bo‘lgan qisqa muddatli yomg‘ir yog‘ishi va momaqaldiroq bo‘lishi mumkin.
Dushanba va seshanba kunlari havo harorati 36-39 daraja issiq atrofida, janubda va cho‘l hududlarda 40-41 daraja issiqqacha bo‘ladi.
Chorshanba kunidan va ish haftasining oxirigacha harorat ko‘tarilishi kutilmoqda, kunduz kunlari havo 38-41 daraja issiqqacha, janubda va cho‘l hududlarda 42-43 darajagacha isiydi.
Shamol 7-12 m/s tezlikda esadi, baʼzi joylarda 13-18 m/s gacha kuchayadi, chang-to‘zonlar bilan kuzatiladi.
Toshkent shahrida 22—25-iyulda havo asosan kam bulutli bo‘ladi, yog‘ingarchilik kutilmaydi. Shamol sharqdan 3-8 m/s tezlikda esadi.
Ish haftasining oxirigacha havo harorati 39-41 daraja issiqqacha asta-sekin ko‘tariladi.
Izoh (0)