Qrim parlamenti rahbari Vladimir Konstantinovning Ukraina tez orada tinchlik so‘rashi, biroq uning shartlari Rossiyaga to‘g‘ri kelmasligi mumkinligini aytdi, deya “RIA Novosti” xabar berdi.
Mening fikrimcha, yaqin kelajakda Ukraina tinchlik so‘raydi. Lekin bu bizga kerakli, mos keladigan tinchlik emas. Bizga Rossiya xavfsizligini kafolatlaydigan tinchlik kerak. Bizning prezident buni aniq ta’kidlagan, — dedi Konstantinov “RIA Novosti”ga.
Uning so‘zlariga ko‘ra, hozirgi Kiyev rejimi hech qanday xavfsizlik kafolatlarini ta’minlay olmaydi.
Ular faqat Minsk kelishuvlarining yangi nusxalarini ishlab chiqarishga, shartnomalarni birin-ketin imzolashga qodir. Ular shartlarga rioya qilmoqchi emasligi aniq. Lekin biz barcha qonun va majburiyatlarga amal qilamiz. Agar bizning “sheriklarimiz” o‘z zimmasidagi majburiyatlariga o‘zlarini mas’ul deb hisoblamasa, nega biz ular bilan aloqa qilishimiz kerak? – deydi parlament rahbari.
Uning fikricha, Ukrainadagi tinchlik Belgorod, Bryansk, Voronej, Qrim, Xerson, Zaporojye va Donbass xavfsizligini kafolatlaydigan Rossiya g‘alabasiga asoslangan bo‘lishi kerak. Konstantinov rus dunyosining bir qismi sifatida millatchi odamlar kerak emasligini aytgan. U Kiyev rejimi Rossiya uchun xavfliligini, agar bunga chora ko‘rilmasa, u qayta-qayta o‘zini namoyon qilishini ta’kidlagan.
Shuningdek, parlament rahbari Kiyev rejimi vakili bo‘lgan har bir kishini hokimiyatdan chetlatish kerakligini qo‘shimcha qilgan.
Izoh (0)