Germaniyada o‘qib ishlayotgan talabalar oyiga qancha pul topishi mumkinligi aytildi.
Xabarga ko‘ra, ushbu mamlakatda talabalar ofitsiant, mehmonxonada ishchi, do‘konlarda sotuvchi, bundan tashqari, xonadonlarda bog‘bon va xizmatchi sifatida ishlashi mumkin. Ularning chegaralangan ish vaqti haftasiga 20 soat. Oyiga esa 80 soatni tashkil etadi. Eng kam ish haqi kuniga 12 yevro, oyiga 960 yevrodan 1,5 ming yevrogacha pul topishi mumkin.
So‘nggi oy davomida qator davlatlar o‘zbekistonliklar uchun turli sohalarda vakansiyalar taqdim etmoqda. Endilikda o‘zbekistonlik migrantlar uchun an’anaga aylangan Rossiya o‘rnini ko‘plab yetakchi mamlakatlar egallamoqda. E’lonlar Tashqi mehnat migratsiyasi agentligi tomonidan taqdim qilinmoqda.
Xususan, Germaniyada o‘zbekistonliklar uchun 50 ming bo‘sh ish o‘rni taklif qilinmoqda. Xorijiy ish beruvchilar bilan hamkorlikda Germaniyada quyidagi soha va kasblarda bo‘sh o‘rinlari uchun fuqarolar taklif etilmoqda:
- hamshira;
- yuk avtomobili haydovchisi;
- yuk va qishloq xo‘jaligi avtomobillariga texnik xizmat ko‘rsatish;
- mehmonxona;
- restoran;
- turizm;
- hunarmandchilik;
- mexatronika;
- qurilish va boshqa sohalar.
Oylik maoshi:
- Ausbildung asosida ishga jalb qilish — 1000 yevrodan;
- to‘g‘ridan to‘g‘ri ishga jalb qilish — 2000 yevrodan boshlanadi.
Germaniyada ushbu sohalarda ishlash istagidagi nomzodlar uchun respublika hududlarida nemis tili kurslarini tashkil etish imkoniyati mavjud.
Izoh (0)