Samarqand viloyati Oqdaryo tumanida Nexia yonib ketdi. Viloyat Favqulodda vaziyatlar boshqarmasi holat yuzasidan ma’lumot berdi.
Unga ko‘ra, holat 3-fevral kuni soat 18:00 da Oqdaryo tumani “Dahbed” mahallasi A.Temur ko‘chasi joylashgan “Quruvchi-Bunyodkor-Turkiston” MCHJga qarashli ko‘p tarmoqli yoqilg‘i tarqatish shoxobchasida sodir bo‘lgan. 2 ta yong‘in-qutqaruv ekipaji soat 18:16 da yetib borib, yong‘in soat 18:28 da o‘chirilgan.
Yong‘in natijasida Nexia-1 rusumli avtomobil va yoqilg‘i tarqatish shoxobchasining 1 ta kolonkasi qisman yonib zararlangan. Yong‘in-qutqaruvchilarning tezkor harakatlari natijasida ko‘p tarmoqli yoqilg‘i tarqatish shoxobchasi yong‘indan saqlab qolingan.
Hodisa oqibatida tan jarohati olgan va halok bo‘lganlar yo‘q. Hozirda tergovga qadar tekshirish ishlari olib borilib, yong‘inning kelib chiqish sababi va zarari aniqlanmoqda.
Izoh (0)