Prof boksning yarim og‘ir vazn toifasi vakillari Artur Beterbiyev va Dmitriy Bivol qarama-qarshiligi iyun oyida bo‘lib o‘tishi mumkin.
Yarim og‘ir vazn toifasida mutlaq jahon chempionligi uchun bo‘lib o‘tadigan jang 1-iyun kuniga rejalashtirilgan.
Bu haqida jurnalist Den Rafael ma’lum qildi.
Jang Ar-Riyoddagi (Saudiya Arabistoni) Kingdom Arena’da bo‘lib o‘tadi. Hozirda turnir qaysi platformada namoyish etilishi bo‘yicha muzokaralar bo‘lib o‘tmoqda.
Bivol 2023-yilning dekabr oyida Lindon Arturga qarshi jang qilib, WBA Super kamarini himoya qilgandi.
Beterbiyev esa yanvarda Kallum Smit ustidan g‘alaba qozongan edi. Artur WBC, WBO va IBF kamarlari sohibi hisoblanadi.