Xalq tilida “suyunchi nafaqasi” deb ataladigan bola tug‘ilganda beriladigan bir martalik nafaqa har bir farzand uchun alohida to‘lanadi.
Foto: “Daryo” / Madina Nurman
Pensiya jamg‘armasining maʼlum qilishicha, bola tug‘ilganda beriladigan bir martalik nafaqa summasi — mehnatga haq to‘lashning eng kam miqdorining 70,3 foiziga teng.
“2023-yil 1-dekabrdan bu miqdor 738 150 so‘mni tashkil etadi”, —deya xabar berdi jamg‘arma.
Joriy oy boshigacha “suyunchi puli” miqdori 688 940 so‘mni tashkil etgandi.
Eslatib o‘tamiz, prezident farmoni bilan 2023-yil1-dekabrdan mehnatga haq to‘lashning eng kam miqdori – oyiga 980 000 so‘mdan 1 050 000 so‘mga oshirildi.
Maʼlumot uchun, hozirda bola tug‘ilganda talab etiladigan barcha maʼlumotlar tug‘uruqxona tomonidan avtomatlashtirilgan axborot tizimiga kiritiladi.
Pensiya jamg‘armasi tibbiyot muassasasi va FHDYO axborot tizimlaridan elektron shaklda olingan maʼlumotlar asosida “suyunchi puli”ni avtomatik tayinlaydi.
Fuqarolar yangi tug‘ilgan farzandlari uchun “suyunchi nafaqasi”ni Xalq banki filiallaridan biriga borgan holda yoki “xazna” ilovasi orqali olishlari mumkin.
Izoh (0)