Bundesliga. “Bayer” o‘z maydonida “Borussiya D” bilan durang o‘ynadi (video)

Futbol bo‘yicha Germaniya Bundesligasining 13-turida “Bayer” va “Borussiya D” 3-dekabr, yakshanba kuni o‘zaro bahs olib bordi.

Uchrashuvning 5-daqiqasida Dortmund jamoasi futbolchisi Xulisan Ryuerson hisobni ochdi. Shundan so‘ng 79-daqiqada qadar dortmundliklar hisobda oldinda bordi. Biroq, o‘sha daqiqada “Bayer” a’zosi Viktor Bonifase chiroyli kombinatsiyani golga aylantirdi. Shu tariqa uchrashuv 1:1 hisobida yakunlandi.

“Bayer” chempionatdagi mag‘lubiyatsiz seriyasini davom ettirdi va 35 ochko bilan yetakchilik qilmoqda. “Borussiya D” esa 25 ochko bilan 5-o‘rindan joy olgan. 

Bundesliga

13-tur bahsi

3-dekabr, yakshanba

“Bayer” – “Borussiya D” 1:1

Gollar: 0:1 – 5 Ryuerson, 1:1 – 79 Bonifase.

“Bayer”: Gradeski, Frimpong, Ta, Tapsoba, Kossunu, Grimaldo, Jaka, Hofmann (Adli, 64), Palasios (Shik, 79), Virts, Bonifase.

“Borussiya D”: Kobel, Hummels, Shlotterbek (Papadopulos, 64), Ryuerson, Roys (Mene, 84), Zabitser, Jan, Brandt, Volf, Bayno-Gittens (Adeyemi, 64), Fyullkrug.

Ogohlantirishlar: Frimpong (12), Palasios (74), Hummels (77), Volf (90), Kossunu (90).