Ijtimoiy tarmoqlarda avtomobil shinalari bilan bog‘liq utilizatsiya yig‘imi bo‘yicha ma’lumotlar tarqalmoqda. Adliya vazirligi mazkur xabarlarga tushuntirish berdi.
Ma’lum qilinishicha, 2024—2026-yillar uchun mo‘ljallangan Byudjetnomada 2024-yil 1-iyuldan avtomobil shinalarining har bir kilogrammi uchun BHMning 0,3 foizi miqdorida utilizatsiya yig‘imini undirish taklif qilinmoqda.
Masalan, 4 ta shina (balon) yengil avtomobillar uchun o‘rtacha 6 kg dan 17 kg gacha bo‘lsa, ular uchun 6 200 so‘mdan 16 200 so‘mgacha yig‘im undiriladi. Mazkur yig‘im xaridorlardan undirilmaydi, ushbu yig‘imni shina ishlab chiqaruvchilar yoki chetdan import qilayotganlar to‘laydi.
Shuningdek, yig‘im bitta yangi ishlab chiqarilgan shina uchun bir marta to‘lanadi, ya’ni har yili undirilmaydi. Fuqarolar avtomobil sotib olib uning balonlarini istalgan o‘lchamdagi boshqa balonga almashtirmoqchi bo‘lganida ham utilizatsiya yig‘imi to‘lamaydi. Utilizatsiya yig‘imidan tushgan pullar “Yashil makon” dasturlarini amalga oshirish uchun sarflanadi.
Izoh (1)
ЖУДАЯМ КУЛГИЛИ ХОЛАТ ХАРИДОРДАН УНДИРИЛМАЙДИ ЛЕКИН СОТУВЧИ НАРХНИ ОШИРИБ КУЯДИ ВА ХАРИДОРГА СОТАДИКУ ЁШБОЛА БУЛМАЙЛИК ЭЙ ХАЛК