A Seriya. “Roma” o‘z maydonida qiyin g‘alabaga erishdi, “Kalyari” “Salernitana” bilan durang o‘ynadi, Shomurodovdan golli uzatma (video)

Futbol bo‘yicha Italiya A Seriyasining 9-turidan o‘rin olgan o‘yinlar 22-oktyabr, yakshanba kuni bo‘lib o‘tdi.

Eldor Shomurodov to‘p surayotgan “Kalyari” safarda “Salernitana” mehmoni bo‘ldi. O‘zbekistonlik futbolchi asosiy tarkibdan joy olmadi. Birinchi bo‘limda darvozalar ishg‘ol etilmadi.

Ikkinchi bo‘limda esa jamoalar birin-ketin darvozalarni ishg‘ol qila boshladi. Dastlab, Zito Luvumbo “Kalyari”ni hisobda oldinga olib chiqdi. 84-daqiqada gol muallifi o‘rniga Eldor Shomurodov maydonga tushirildi. 86-daqiqada esa Bulaye Dia hisobni tenglashtirdi. Oradan ikki daqiqa o‘tib, Shomurodovning uzatmasidan so‘ng Nikolas Viola darvozani ishg‘ol qildi. Hakam qo‘shib bergan daqiqalarda esa Dia penaltini aniq amalga oshirib, muvozanatni tikladi. Shu tariqa jamoalar bir ochkodan jamg‘arishga muvaffaq bo‘ldi.

“Roma” o‘z maydonida “Monsa”ni mehmon qildi va 1:0 hisobida zafar quchdi. Rimliklar tarkibida yagona gol Stefan ash-Shaaravi hisobiga yozildi. 

A Seriya

9-tur bahsi

22-oktyabr, yakshanba

“Salernitana” – “Kalyari” 2:2

Gollar: 0:1 – 79 Luvumbu, 1:1 – 86 Dia, 1:2 – 88 Viola, 2:2 – 90 Dia (penalti).

“Salernitana”: Kostil, Massokki, Fasio (Ikvuemesi, 83), Domber, Bradarich, Kandreva (Tshauna, 76), Kastanos (Martegani, 55), Kulibali (Lengovski, 76), Majore, Jovane Kabral (Styuart, 56), Dia.

“Kalyari”: Skuffet, Goldaniga, Dossena (Obert, 74), Aujello, Mankozu (Viola, 46), Deyola, Makumbu, Prati, Nandes (Zappa, 46), Oristanio (Yankto, 64), Luvumbu (Shomurodov, 84).

Ogohlantirishlar: Kastanos (52), Prati (71), Martegani (79), Zappa (80), Deyola (89), Makumbu (90), Domber (90).

“Roma” – “Monsa” 1:0

Gol: 1:0 – 90 ash-Shaaravi.

“Roma”: Ruy Patrisiu, Karsdorp (Zalevski, 73), Manchini, Ndika (Lyorente, 73), Kristante, Spinassola (Kristensen, 79), Paredes, Auar, Bove (ash-Shaaravi, 63), Lukaku, Belotti (Azmun, 63).

“Monsa”: Di Gregorio, Pedru Pereyra (Birindelli, 46), Kaldirola, D’Ambrozio, Mari, Kiryakopulos (Donati, 85), Galyardini, Pessina, Machin (Karboni, 45), Kolpani (Vinyato, 64), Kolombo (Mota, 65).

Ogohlantirishlar: D’Ambrozio (23), Machin (45), Kristante (70), Manchini (78), Palladino (87), Galyardini (90).

Chetlatish: D’Ambrozio (41).