“Lokomotiv” tarkibida harakat qiluvchi Marat Bikmayev 37 yoshida faoliyatini yakunladi.
“Temiryo‘lchilar” safida 200-uchrashuvida ishtirok etgan (“Yunired”ga qarshi bahs 2:0 hisobida “Lokomotiv”ning g‘alabasi bilan yakunlandi) Bikmayev katta futboldagi ilk qadamlarini 2002-yilda tashlagan edi.
Marat turli yillar davomida “Paxtakor”, “Lokomotiv”, “So‘g‘diyona” va “Dinamo” kabi klublar sharafini himoya qildi va O‘zbekiston chempionatidagi gollari soni bo‘yicha yuzlik dovonni zabt etdi.
Tajribali hujumchi 2017-yilgi mavsumning eng yaxshi to‘purari, mamlakatda yilning eng yaxshi futbolchisi sifatida e’tirof etilgan.
Bikmayev, shuningdek, faoliyati davomida Rossiyaning “Krilya Sovetov”, “Rubin”, “Spartak” (Nalchik), “Alaniya” va Qozog‘istonning “Aktobe” jamoalari sharafini himoya qilgan.
Izoh (0)