O‘zbekiston Respublikasi Mustaqilligining 32 yilligi arafasida yurtimiz bo‘ylab bayram tadbirlari o‘tkaziladi. Bu qisqa muddatli sayohatga otlanish hamda yurtimizning noyob diqqatga sazovor va go‘zal go‘shalarini tomosha qilish uchun ajoyib imkoniyatdir.
Yildan yilga mamlakatimiz ichida va uning tashqarisida sayyohlik yo‘nalishlarining soni geometrik progressiyada ortib bormoqda, yangi zamonaviy mehmonxonalar, dam olish maskanlari ochilmoqda. Sayyohlarga eng yangi xususiy aviakompaniyalarda hamyonbop narxlarda aviaparvozlar hamda zamonaviy tezyurar poyezdlarda sayohat qilish taklif etilmoqda. Sug‘urta polisini sotib olish xavfsiz va yoqimli dam olishning muhim tarkibiy qismi sanaladi.
O‘zbekistonda turizm sohasini rivojlantirish — bugungi kunda ustuvor yo‘nalishlardan biri. Infratuzilmani takomillashtirish, xorijiy investitsiyalar uchun qulay shart-sharoitlar yaratish, mahalliy tadbirkorlarga zarur ko‘mak ko‘rsatish — bularning sharofati bilan turizm sohasi yangi bosqichga ko‘tarilmoqda.
Har yili O‘zbekiston mehmonxona biznesi 15-20% ga o‘sib bormoqda, o‘z navbatida, 2022-yilda sayyohlik maqsadida O‘zbekistonga 5,2 mln. xorijiy fuqaro tashrif buyurgan bo‘lsa, 2023-yilda ushbu ko‘rsatkich 7 mln. kishiga yetishi kutilmoqda.
Iqtisodiyot va ijtimoiy sohaning jadal sur’atlar bilan rivojlanishi O‘zbekiston sug‘urta bozori va uning eng muhim segmenti – hayot sug‘urtasi tarmog‘ining rivojlanishi uchun asos bo‘ldi. “Alfa Invest Sug‘urta Kompaniyasi” AJ tomonidan 2009-yilda sifatli sug‘urta xizmatlarini ko‘rsatish maqsadida “Alfa Life Insurance” AJ sho‘ba korxonasi tashkil etilgan bo‘lib, u sug‘urtaning quyidagi turlariga ixtisoslashgan:
- Baxtsiz hodisalardan sug‘urtalash;
- Xorijga chiqayotgan shaxslarni sug‘urtalash;
- Tashrif buyuruvchi sayyohlarni sug‘urtalash;
- Hayotni sug‘urtalash va tibbiy sug‘urta.
Alfa Life’dan sug‘urta polisini xarid qilish orqali Sizga favqulodda holatlar, jumladan, baxtsiz hodisalar, tabiiy ofatlar yoki sayohat davomida yuzaga kelishi mumkin bo‘lgan boshqa kutilmagan holatlar bilan bog‘liq xarajatlar qoplab beriladi.
Mehmonxona biznesida sug‘urta
O‘z navbatida, hukumat tomonidan qo‘llab-quvvatlash, soliq imtiyozlari, subsidiyalar va boshqa moliyaviy yordam vositalarining taqdim etilishi mahalliy tadbirkorlarni ham yirik loyihalar miqyosida, ham oilaviy tadbirkorlik darajasida mehmonxona biznesini rivojlantirishga sarmoya kiritishlariga turtki bo‘ldi.
Bugungi kunda mehmonxona biznesining yetakchi xalqaro brendlari mahalliy bozorga kirib bormoqda, ular Toshkent, Samarqand, Buxoro va Xiva shaharlarida mahalliy tadbirkorlar bilan hamkorlikda jahon andozalari darajasidagi mehmonxonalarni bunyod etmoqdalar va ishga tushirmoqdalar. Ushbu hamkorlik munosabatlari taqdim etilayotgan xizmatlar sifatini yaxshilabgina qolmay, balki butun dunyodan sayyohlarni o‘ziga jalb etmoqda hamda O‘zbekistonning jahon turizm xaritasidagi nufuzini oshirmoqda.
ALFA INVEST mehmonxona biznesidagi qaltisliklarni minimallashtirishni taklif qiladi
Boshqa tijorat ko‘chmas mulklari kabi, mehmonxona egalari obyektni qurish bosqichidan boshlab qator xatarlarga duch keladilar.
Obyekt foydalanishga topshirilgandan keyingi dastlabki bir necha yil muhim davr hisoblanadi — bunda bino loyihasi va dizaynida kamchiliklar yuzaga kelishi mumkin, bu esa qo‘shimcha va qayta ta‘mirlash ishlarini zarur qilib qo‘yadi.
Shuningdek, mehmonxona to‘liq faoliyat ko‘rsatishni boshlaganda, xatarlar soni kelgan mehmonlar soniga mutanosib ravishda ortadi, bu davrda mulk egasi o‘z mulkini sug‘urta qilishga e’tibor qaratmog‘i lozim.
Biroq, yuzaga kelish chastotasi bo‘yicha, mehmonxonalardagi xavflar orasida birinchi o‘rinni yong‘in yoki chakka o‘tish emas, balki mehmonxona egasining mehmonlar va uchinchi shaxslar oldidagi javobgarligi sanalanadi.
Biz biznes egalarini kutilmagan xarajatlardan himoya qilish uchun sug‘urta mahsulotlarini taklif qilamiz. Sug‘urta sarmoyalarni saqlab qolish imkonini beradi, bizning kompaniyamiz esa yirik investitsiya loyihalarini, kichik biznesni sug‘urtalashda katta tajribaga egadir.
ALFA INVESTda siz quyidagi sug‘urta turlari polislarini xarid qilishingiz mumkin:
- Qurilish-montaj tavakkalchiliklarini sug‘urtalash;
- Mehmonxona majmualari va restoran biznesini sug‘urtalash;
- Mehmonxona majmualarining fuqarolik javobgarligini sug‘urtalash;
- Mehmonxona majmuasi ijarachilarining fuqarolik javobgarligini sug‘urtalash;
- Ish beruvchining javobgarligini sug‘urtalash;
- Direktorlar javobgarligini sug‘urtalash;
- Faoliyatdagi uzilishlar oqibatidagi zararlar va boshqa moliyaviy qaltisliklardan sug‘urtalash.
Shuni ta’kidlash joizki, O‘zbekistonning mehmonxona biznesi va turizm industriyasini rivojlantirish bo‘yicha istiqbolli davlatlardan biriga aylanishida Prezident Shavkat Mirziyoyevning ko‘magi muhim va hal qiluvchi rol o‘ynadi. Mehmonxona industriyasiga istiqbolli yondashuv mahalliy tadbirkorlarni qo‘llab-quvvatlovchi va xalqaro sarmoyadorlarni jalb etuvchi, iqtisodiy o‘sishni rag‘batlantiruvchi shuningdek, mamlakat obro‘sini yanada yuksaltiruvchi barqaror ekotizimni yaratishda namoyon bo‘ladi.
Maqsadimiz — biznesingizni rivojlanishi va aktivlaringizni oshirishda, sizga ichki va xalqaro miqyosda sayohat qilish chog‘ingizda sizga o‘zingizga ishonch tuyg‘usini berishdan iborat.
Bizning keng qamrovli individual sug‘urta rejamiz bilan siz eng yaxshi himoyaga ega ekanligingizni bilib, xotirjam bo‘lasiz.
Telefon: 1182.
Sayt: alfainvest.uz
Telegram: t.me/AlfaInvestuz
Instagram: @alfainvest.uz
Facebook: fb.com/alfainvestuzbekistan
Reklama huquqi asosida.
Izoh (0)