Pixar studiyasi 2022-yilda prokatda muvaffaqiyatsizlikka uchragan “Bazz Layter” multfilmi tufayli 75 kishini ishdan bo‘shatdi. Bu haqda Reuters xabar berdi.
Studiya “Bazz Layter” rejissori Angus MakLeyn, global marketing bo‘yicha prezident Maykl Agulnek va prodyuser Galin Zusmanni ishdan bo‘shatdi.
Qayd etilishicha, bu 2013-yildan beri kompaniyadagi eng katta shtat qisqartirilishi hisoblanadi. O‘shanda kompaniya “Yaxshi dinozavr” loyihasining bekor qilinishi ortidan 30 kishini ishdan bo‘shatgan edi.
Pixar “O‘yinchoqlar tarixi”, “Superoila” va boshqa ko‘plab mashhur multfilmlarni suratga olgan. Masalan, 30 million dollar sarflangan “O‘yinchoqlar tarixi” jahon prokatida 373,5 million dollar daromad to‘plagan.
“Bazz Layter” — bu “O‘yinchoqlar tarixi”ning bosh qahramonlaridan biri haqidagi animatsion kartina. Multfilm 200 million budjetga ega bo‘lib, jahon prokatida 226 million dollargina daromad topa oldi.
Izoh (0)