Avstraliyaning The Sydney Morning Herald gazetasiga ko‘ra, Avstraliya yangi harbiy yordam paketi doirasida Ukrainaga Hawkei zirhli mashinalarini yetkazib bermoqchi. Yetkazib berish qachon amalga oshirilishi hozircha noma'lum.
Nashrning yozishicha, Avstraliyaning Ukrainaga yangi harbiy yordam paketini ajratish to‘g‘risidagi qaror allaqachon kelishilgan, biroq hujjatlar hali tasdiqlanmagan va imzolanmagan.
“Kelishuvga erishildi, ammo kelishuv Kanberraning rasmiy tizimlari orqali hali ko‘rib chiqilmagan”, — deydi manbalar.
Ta’kidlanishicha, zirhli mashinalarni Avstraliyadan Ukraina tomoni so‘ragan, ularni yetkazib berish allaqachon mudofaa vaziri Richard Marlz darajasida kelishilgan.
Janob Marlzning o‘zi Kiyevga qurol-yarog‘ yetkazib berilishi haqida izoh berishdan bosh tortdi.
Uning so‘zlariga ko‘ra, ukrainaliklar o‘zlariga kerak bo‘lgan qurollarning “ro‘yxatini taqdim etishgan”, shuningdek, yaqinda Singapurda bo‘lib o‘tgan xavfsizlik sammiti chog‘ida Ukraina mudofaa vaziri Aleksey Reznikov bilan batafsil suhbatlashganini aytdi.
Richard Marlzning so‘zlariga ko‘ra, suhbat chog‘ida Ukrainaga Avstraliyadan ko‘rsatiladigan yangi yordam paketi muhokama qilingan.