Gulistondagi do‘konlarda yong‘in yuz berdi

Guliston shahrida yengil konstruksiyali do‘konlarda yong‘in yuz berdi.

Viloyat FVB matbuot xizmatining ma’lum qilishicha, Navoiy shohko‘chasida joylashgan yengil konstruksiyali do‘konlarda yong‘in 5-mart kuni soat 4:30 da, 150 kvadrat metr maydonda sodir bo‘lgan.

Yong‘inga to‘rtta yong‘in-qutqaruv ekipaji jalb qilinib, yong‘in soat 05:20 da to‘liq o‘chirilgan.

Hodisa natijasida tan jarohati olganlar yo‘q. Yong‘in sababi va moddiy zarar miqdori aniqlanmoqda.