General-mayor Shuhrat Sobirov Interpolning O‘zbekistondagi byurosiga rahbar etib tayinlandi. Bu maʼlumotni Ichki ishlar vazirligi axborot xizmati “Daryo”ga tasdiqladi.
Shuhrat Sobirov 2020-yil martdan 2023-yil fevralgacha Ichki ishlar vazirligi Tezkor-tergov departamenti boshlig‘i lavozimida ishlab kelgan. U bungacha Andijon viloyati Ichki ishlar boshqarmasiga rahbarlik qilgan.
2021-yildan buyon Interpolning O‘zbekistondagi Milliy markaziy byurosiga polkovnik G‘anijon Alimuhammedov rahbarlik qilib kelayotgandi. U 2019-yilda 2-darajali “Ichki ishlar organlarida benuqson xizmatlari uchun” ko‘krak nishonlari bilan taqdirlangan.
Izoh (0)