Dunyoga mashhur rejissor Jeyms Kemeronning “Avatar: Suv yo‘li” kinokartinasi shu hafta oxirida rasman 2 milliard dollar to‘plashga muvaffaq bo‘ldi. Filmning kassa yig‘imlari 2,024 milliard dollarga yetdi.
O‘tgan hafta oxirida kinokartina AQSHdan umumiy 598 million dollar, xalqaro hududlardan esa 1,426 milliard dollar to‘pladi. Yaqin kelajakda “Avatar: Suv yo‘li” filmi “Qasoskorlar: Cheksizlik urushi” (jahon prokatida 2,048 milliard dollar to‘plagan) va “Yulduzlar jangi: Kuch uyg‘onadi” (kassa yig‘imlari 2,068 milliard dollar) filmlarini ortda qoldiradi va tarixdagi eng yuqori daromad keltirgan to‘rtinchi loyihaga aylanadi.
“Avatar” filmining birinchi qismi kassada 2,922 milliard dollar to‘plagan va hali ham umumiy reytingda yetakchilik qilmoqda. Ikkinchi o‘rinni “Qasoskorlar”ning oxirgi qismi (kassada 2,797 milliard dollar to‘plagan) va uchinchi o‘rinni “Titanik” (dunyo bo‘ylab 2,187 mlrd dollar yig‘gan) egalladi. Fevral oyida “Titanik” kinokartinasi namoyish etilganiga 25 yil to‘lishi munosabati bilan qayta ekranlarga chiqariladi.
Kemeron tarixda 2 milliard dollar va undan ko‘proq daromad keltirgan uchta: “Avatar”, “Avatar: Suv yo‘li va “Titanik” kinokartinalarini suratga olgan yagona rejissordir.
Mavzuga doir:
- “Avatar: Suv yo‘li” kassa yig‘imlari bo‘yicha “O‘rgimchak odam” filmini ortda qoldirdi.
- Sezmagansiz ham: “Avatar” filmida yo‘l qo‘yilgan qo‘pol xatolar.
- “Avatar-2” 2022-yilning eng kassabop filmi bo‘ldi. Jeyms Kemeron kinofranshizani davom ettirishini aytdi.
- Jeyms Kemeronning “Avatar: Suv yo‘li” filmida rol o‘ynagan aktyorlar qanday ko‘rinishga ega? (foto).