Bugun,

  • USD 11095.31
  • RUB 173.84
  • EUR 10772.44

Qalin tuman sabab ko‘rishning yomonlashgani tufayli 19-dekabr kuni Toshkent va Namangan xalqaro aeroportlarida samolyotlarni qabul qilish va jo‘natish vaqtincha cheklandi. Bu haqda Uzbekistan Airports matbuot xizmati xabar berdi.

Uzbekistan Airports matbuot xizmati

Uzbekistan Airports matbuot xizmati

Qayd etilishicha, Uzbekistan Airways’ning HY614 Moskva—Toshkent reysini Buxoro muqobil aerodromiga jo‘natilishiga sabab bo‘ldi. Bortida 214 yo‘lovchi bo‘lgan samolyot mahalliy vaqt bilan 03:23 da Buxoroga kelib qo‘ndi. Shuningdek, HY426 Dehli—Toshkent reysi ham Buxoro aeroportiga yo‘naltirildi. Ko‘rish yaxshilanganidan keyin ikkala samolyot ham Toshkentga qaytib uchib ketdi.

Uzbekistan Airways aviakompaniyasining HY23/24 Toshkent—Buxoro—Toshkent reysi biroz kechiktirildi. HY23 reysi mahalliy vaqt bilan 10:52 da Buxoroga kelib qo‘ndi va 11:53 da Toshkentga jo‘nab ketdi.

Ushbu aviakompaniyaning HY9662 Yekaterinburg—Toshkent, HY3196 Seul— Toshkent, HY274 Istanbul—Toshkent, HY708 Vladivostok—Toshkent, HY9646 Moskva—Toshkent yo‘nalishlaridagi reyslari Navoiydagi muqobil aerodromga yo‘naltirildi. Shuningdek, Rossiyaning “Aeroflot” aviakompaniyasining Mineralniye Vodi—Toshkent yo‘nalishi bo‘yicha AFL1870 reysi Navoiyga jo‘natildi.

Uzbekistan Airways’ning HY18 Nukus—Toshkent va HY336 Jidda—Toshkent, Ozarbayjonning Azal aviakompaniyasining AHY5031 Boku—Toshkent, Fort Aero’ning FRX513 charter reysi Samarqandga muqobil aerodromga jo‘nab ketdi.

Uzbekistan Airways’ning Perm—Namangan yo‘nalishi bo‘yicha HY9802 reysi Farg‘ona aeroportiga yo‘naltirildi va mahalliy vaqt bilan soat 01:51 da Farg‘onaga kelib qo‘ndi.

HY9620/9619 Moskva—Namangan—Moskva reysi uchish vaqti 18-dekabrdan 19-dekabrga o‘zgartirildi. Samolyot belgilangan aeroportga mahalliy vaqt bilan 16:10 da jo‘naydi.

19-dekabr kuni mahalliy vaqt bilan soat 16:40 ga belgilangan HY9619 Namangan—Moskva reysi esa 20-dekabrga ko‘chirildi. Uzbekistan Airways’ning HY9805 Namangan—Samara va HY9806/9829 Samara—Namangan—Yekaterinburg reyslari ham kechiktirildi.

S7 aviakompaniyasining SBI5567/5568 Novosibirsk—Namangan—Novosibirsk reysi; Air Arabia aviakompaniyasining G785 Namangan—Sharja va G785 Sharja—Namangan— Sharja reyslari; Red Wings aviakompaniyasining WZ4483/4484 reyslari Moskva—Namangan—Moskva; shuningdek, Jazeera Airways’ning J9645 reysi Quvayt—Namangan—Quvayt Namanganda ob-havo sharoiti yaxshilanmaguncha kechiktirildi.

Izoh
Asosiy yangiliklar
Mahalliy
“Andijonda 127 ming nafar ishsiz fuqaro mavjud. Har yili yana 50 ming nafar yoshlar mehnat bozoriga kirib keladi” — prezident 
Mahalliy
O‘zbekistonda 2-fevraldan metan zapravkalar faoliyati tiklanadi
Mahalliy
Jizzax, Samarqand, Farg‘onada elektr tarmog‘iga noqonuniy ulanib, qariyb 250 mln so‘m zarar yetkazgan tadbirkorlar ushlandi