Қалин туман сабабли Тошкент ва Наманган халқаро аэропортларида бир қатор рейслар кечиктирилди
Қалин туман сабаб кўришнинг ёмонлашгани туфайли 19 декабрь куни Тошкент ва Наманган халқаро аэропортларида самолётларни қабул қилиш ва жўнатиш вақтинча чекланди. Бу ҳақда Uzbekistan Airports матбуот хизмати хабар берди.
Қайд этилишича, Uzbekistan Airways’нинг HY614 Москва—Тошкент рейсини Бухоро муқобил аэродромига жўнатилишига сабаб бўлди. Бортида 214 йўловчи бўлган самолёт маҳаллий вақт билан 03:23 да Бухорога келиб қўнди. Шунингдек, HY426 Деҳли—Тошкент рейси ҳам Бухоро аэропортига йўналтирилди. Кўриш яхшиланганидан кейин иккала самолёт ҳам Тошкентга қайтиб учиб кетди.
Uzbekistan Airways авиакомпаниясининг HY23/24 Тошкент—Бухоро—Тошкент рейси бироз кечиктирилди. HY23 рейси маҳаллий вақт билан 10:52 да Бухорога келиб қўнди ва 11:53 да Тошкентга жўнаб кетди.
Ушбу авиакомпаниянинг HY9662 Екатеринбург—Тошкент, HY3196 Сеул— Тошкент, HY274 Истанбул—Тошкент, HY708 Владивосток—Тошкент, HY9646 Москва—Тошкент йўналишларидаги рейслари Навоийдаги муқобил аэродромга йўналтирилди. Шунингдек, Россиянинг «Аэрофлот» авиакомпаниясининг Минералние Води—Тошкент йўналиши бўйича АФЛ1870 рейси Навоийга жўнатилди.
Uzbekistan Airways’нинг HY18 Нукус—Тошкент ва HY336 Жидда—Тошкент, Озарбайжоннинг Аzal авиакомпаниясининг АHY5031 Боку—Тошкент, Fort Аero’нинг FRX513 чартер рейси Самарқандга муқобил аэродромга жўнаб кетди.
Uzbekistan Airways’нинг Перм—Наманган йўналиши бўйича HY9802 рейси Фарғона аэропортига йўналтирилди ва маҳаллий вақт билан соат 01:51 да Фарғонага келиб қўнди.
HY9620/9619 Москва—Наманган—Москва рейси учиш вақти 18 декабрдан 19 декабрга ўзгартирилди. Самолёт белгиланган аэропортга маҳаллий вақт билан 16:10 да жўнайди.
19 декабрь куни маҳаллий вақт билан соат 16:40 га белгиланган HY9619 Наманган—Москва рейси эса 20 декабрга кўчирилди. Uzbekistan Airways’нинг HY9805 Наманган—Самара ва HY9806/9829 Самара—Наманган—Екатеринбург рейслари ҳам кечиктирилди.
S7 авиакомпаниясининг SBI5567/5568 Новосибирск—Наманган—Новосибирск рейси; Air Arabia авиакомпаниясининг G785 Наманган—Шаржа ва G785 Шаржа—Наманган— Шаржа рейслари; Red Wings авиакомпаниясининг WЗ4483/4484 рейслари Москва—Наманган—Москва; шунингдек, Jazeera Airways’нинг J9645 рейси Қувайт—Наманган—Қувайт Наманганда об-ҳаво шароити яхшиланмагунча кечиктирилди.
