Bugun,

  • USD 11095.31
  • RUB 173.84
  • EUR 10772.44

Bir necha kun avval Afg‘oniston poytaxti Kobul ma’muriyati shahar ko‘chalaridan biriga “globus” o‘rnatdi. Unda “Afg‘oniston islom amirligi” hududi Afg‘onistonning haqiqiy hududidan ancha kattaroq qilib ko‘rsatilgan.

Foto: BBC

Foto: BBC

Xususan, Yer sharining “Tolibon”ga xos talqinida Eron va Markaziy Osiyo davlatlari yerlari Afg‘oniston hududiga kiritilgan va mamlakat Qozog‘iston bilan umumiy chegaraga ega bo‘lib turibdi.

Toliblarning “globusi” ijtimoiy tarmoqlar foydalanuvchilari orasida qizg‘in muhokamaga sabab bo‘ldi. Uning yaratuvchilari nodonlikda va bilimsizlikda ayblandi.

Foto: BBC

Foto: BBC

“Tolibon” vakillari, aksincha, o‘z “ixtirosi”ni maqtab, uni Kobul ma’muriyati yutuqlaridan biri deb atadi.

BBC o‘z manbalariga tayanib yozishicha, globus diametrli 8 metrga, og‘irligi 2 tonnaga teng bo‘lib, motorli mexanizm yordamida shar aylanib turadi.

Globus konstruktori Ismatulla Habibiy “ushbu xaritada chegaralarning o‘zgartirilishi va boshqa davlatlar hududlarining qo‘shib olinishi”ni izohlar ekan, bu faqat “mamlakatni xaritada ko‘zga tashlanarliroq qilish maqsadida” amalga oshirilganini ta’kidladi.

“Habibiyning aytishicha, odamlar o‘z mamlakatini ko‘rib tanib olishi uchungina, xaritada Afg‘oniston hududi kattaligini o‘zgartirgan”, — deyiladi BBC xabarida.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi