Bugun,

  • USD 11095.31
  • RUB 173.84
  • EUR 10772.44

Nukus voqealarida ayblanayotganlar ishini ko‘rib chiqayotgan sud majlisidagi onlayn trnaslyatsiya to‘xtatildi. Bunga prokuror talabi sabab bo‘ldi.

Ta’kidlanishicha, onlayn trnaslyatsiya muzokaralar jarayoniga qadar to‘xtatilgan.

Juma kuni bo‘lib o‘tgan muhokamalarda prokuror O‘zbekiston Jinoyat-protsessual kodeksining 432-moddasiga muvofiq jonli efirni to‘xtatishni so‘rab sudyaga murojaat qildi. Bu guvohlar so‘roq qilinishi bilan bog‘liq, chunki guvohlar bir-birining ko‘rsatuvlarini eshitmasligi lozim, — deyiladi Telegram’dagi Independent Commission_uz kanalida.

2022-yilning 28-noyabr kuni Buxoro viloyati sudida Qoraqalpog‘iston Respublikasi sudining Jinoyat ishlari bo‘yicha sudlov hay’ati Nukus voqealarida ayblanayotganlar ishini ko‘rib chiqishni boshladi. Oliy sud matbuot xizmati davlat ayblovchisi tomonidan o‘qib eshittirilgan ayblov xulosasining qisqacha mazmuni bilan tanishtirib, kim nimada ayblanayotganiga aniqlik kiritdi. Shuningdek, sud jarayonida Nukusdagi tartibsizliklar paytida qancha zarar yetkazilgani ma’lum bo‘ldi.

Ajablanarlisi, sudda Dauletmurad Tajimuratovni yelkasida ko‘tarib, Jo‘qorg‘i Kengesga olib borgan va uning Jo‘qorg‘i Kenges raisi bo‘lishi kerakligini talab qilgan sudlanuvchi Tajimuratovni jinoyatchi va firibgar deb atadi. Jurnalist Lolagul Qallixanova esa uning chaqiriqlari sabab odamlar ko‘tarilishini bilganini, ammo bu darajada urush bo‘ladi deb o‘ylamaganini qo‘shimcha qildi va aybiga to‘liq iqrorlik bildirdi. Qolaversa, u Nukus voqealarining kelib chiqishiga Jo‘qorg‘i Kenges deputatlarining passiv ishlaganini sabab qilib ko‘rsatdi. “Jo‘qorg‘i Kenges deputatlari xalq bilan muloqot qilganida bu voqealar kelib chiqmasdi”, — dedi u. Yana bir sudlanuvchi esa Nukus voqealariga Dauletmurad Tajimuratov va Lolagul Qallixanova aybdor deb chiqdi. Bunga javoban esa keyingi sud majlisida Dauletmuard Tajimuratov odamlar o‘limida o‘zini ayblamasligini bildirdi.

Izoh
Asosiy yangiliklar
Sport
“Barselona” “Atletiko” futbolchisini xarid qilsa, Ansu Fati jamoadan ketishiga to‘g‘ri keladi 
Mahalliy
Shavkat Mirziyoyev transformator ishlab chiqaruvchi Aysel energy korxonasi faoliyati bilan tanishdi
Mahalliy
Toshkentdagi “Ippodromda” 2 bosh ot ochlikdan nobud bo‘ldi