Bugun,

  • USD 11095.31
  • RUB 173.84
  • EUR 10772.44

Eron yadroviy kelishuvni qayta tiklashga qiziqmayapti, AQSH esa boshqa masalalarga, jumladan Eronning Rossiyaga qurol-yarog‘ yetkazib berishini to‘xtatishga e’tibor qaratmoqda, dedi AQSH ma’muriyatining Eron bo‘yicha maxsus vakili Robert Malli Bloomberga agentiligiga.

Foto: Reuters

Foto: Reuters

“Hozirda biz Rossiyaga qurol-yarog‘ yetkazib berishni tiyish va to‘xtatish, Eron xalqining asosiy intilishlarini qo‘llab-quvvatlashga urinish orqali o‘zgarishlar qilishimiz mumkin”, — dedi u.

Yadroviy kelishuv bo‘yicha muzokaralar haqida gapirar ekan, Malli Vashington bu mavzuga e’tibor qaratish uchun hech qanday sabab ko‘rmayotganini ta’kidladi, chunki, uning so‘zlariga ko‘ra, Tehron qabul qilib bo‘lmaydigan talablarni ilgari surmoqda, AQSH esa “ular bilan o‘ynash uchun orqaga qaytishni” istamaydi.

Avgust oyida The Washington Post gazetasi Rossiyaga Eron dronlari yetkazib berilayotgani haqida yozgandi. Bungacha, iyul oyida AQSH ma’muriyati Tehronning Moskvaga bir necha yuzlab uchuvchisiz uchoqlarni, jumladan, qurol olib yurishga qodir dronlarni topshirish rejalari haqida ma’lumotga ega ekanini bildirgan.

Ma’lumotlarga ko‘ra, Rossiya Ukrainadagi urushda Eronda ishlab chiqarilgan Shahed-131 va Shahed-136 dronlaridan foydalanmoqda, Rossiya Qurolli kuchlari ularning nomini “Geran-1” va “Geran-2” deb o‘zgartirib olgan. Rossiya rasmiylari dronlarning Erondan olib kelinishini tan olmayapti.

Noyabr oyi boshida Eron tashqi ishlar vaziri Husayn Abdullohian Rossiyaga bir qancha dronlar yuborilganini tasdiqlab, bu urush boshlanishidan bir necha oy oldin sodir bo‘lganini aytdi.

Eron yadro dasturi bo‘yicha Qo‘shma keng qamrovli harakatlar rejasi 2015-yilda Rossiya, AQSH, Fransiya, Buyuk Britaniya, Xitoy va Eron ishtirokida tuzilgan. Unda yadroviy dasturni cheklash evaziga Tehronga qarshi sanksiyalar bekor qilinishi va Eron tomonining yadroviy qurol ishlab chiqmaslik kafolati ko‘zda tutilgan.

Donald Tramp prezidentligi davrida Qo‘shma Shtatlar yadroviy kelishuvdan chiqib, sanksiyalarni qayta joriy qildi, Tehron esa kelishuv bo‘yicha o‘z majburiyatlaridan qaytishni boshladi. 2021-yilda AQSH prezidenti Jo Bayden kelishuvga qaytishga tayyorligini bildirdi. 2022-yil avgustida Eron Qo‘shma Shtatlarni ushbu mavzu bo‘yicha muzokaralarni cho‘zayotganlikda aybladi, sentabrda esa AQSH Davlat kotibi Entoni Blinken Eron bilan kelishuvga erisha olmasligini aytdi.

Izoh
Asosiy yangiliklar
Mahalliy
O‘zbekistonda 2-fevraldan metan zapravkalar faoliyati tiklanadi
Mahalliy
Jizzax, Samarqand, Farg‘onada elektr tarmog‘iga noqonuniy ulanib, qariyb 250 mln so‘m zarar yetkazgan tadbirkorlar ushlandi 
Mahalliy
“Andijonda 127 ming nafar ishsiz fuqaro mavjud. Har yili yana 50 ming nafar yoshlar mehnat bozoriga kirib keladi” — prezident