Qodirov chechen harbiylarining shafqatsizligi haqida gapirgan Rim papasini “propaganda qurboni” deb atadi

Checheniston rahbari Ramzan Qodirov Rim papasi Fransiskning chechenlar va buryatlarni Ukrainadagi urushning “eng shafqatsiz” ishtirokchilari deb atagan so‘zlariga munosabat bildirdi.

“Dunyoga mashhur diniy shaxs uchun musulmonlarning dushmanga munosabati haqida bilmaslik uyat”, — deb yozdi Qodirov o‘zining Telegram-kanalida va papani “xorijiy OAVlar propagandasining qurboni” deb bilishini qo‘shimcha qildi.

Biz payg‘ambarimiz Muhammad (s.a.v.) singari avval tinchlik taklif qilmasdan urush boshlamaymiz. Va buni maxsus harbiy operatsiya boshidan beri, ehtimol o‘nlab marta taklif qildik. Chechenlarning asirlarga munosabati shafqatsizmi yoki yo‘q, bu haqda bizda asirlikda bo‘lgan Ukraina harbiylarining o‘zlari aytib beradi.

Ha, biz Vatanimizni, dinimizni, xalqimizni himoya qilishga astoydil kirishamiz. Dushmanni taslim bo‘lishga, fuqarolarimizni o‘zini himoya qilishga chaqiramiz. Bu shafqatsizlikmi? — deya qayd etgan Qodirov.

Avvalroq Rossiyaning Vatikandagi elchisi Aleksandr Avdeyev Rim papasinning bayonotlariga qarshi rasmiy norozilik bildirgan va “bunday ig‘volardan g‘azablanganini” ma’lum qilgandi. Fransiskning mulohazalarini Buryatiya rahbari Aleksey Sidenov “g‘ayrioddiy”, Checheniston parlamenti spikeri Magomed Daudov esa “burungi” deb atagan.

Mavzuga doir: