Bugun,

  • USD 11095.31
  • RUB 173.84
  • EUR 10772.44

AQSH Rossiyani terrorizm homiysi deb tan olishdan bosh tortishi sabablaridan biri don bitimi bo‘lgan. Bu haqda mamlakatning Yevropa xavfsizlik va hamkorlik tashkiloti (YeXHT)dagi doimiy vakili Maykl Karpenter ma’lum qildi.

Ukraina doni ortilgan yuk kemalari Istanbul sohillarida inspeksiya uchun navbatda turibdi

Ukraina doni ortilgan yuk kemalari Istanbul sohillarida inspeksiya uchun navbatda turibdi
Foto: EPA

“Bu qonunchilikdan foydalanishimiz natijasida Ukrainaning bosib olingan qismlariga gumanitar ko‘mak berish, shuningdek, bizning fikrimizcha, ham Ukraina, ham AQSH manfaatlariga javob beradigan boshqa xatti-harakatlarga, masalan, don bitimiga yordam berish bo‘yicha imkoniyatlarimiz cheklanib qoladi, deb o‘ylaymiz”, — dedi Karpenter.

Qora dengiz don tashabbusi kelishuvlari 22-iyul kuni Istanbulda Turkiya va BMT tomonidan Rossiya va Ukraina bilan alohida-alohida imzolangan edi. Ular don olib chiqib ketish uchun Ukraina portlarini ochishni hamda Rossiyaga qarshi G‘arb sanksiyalari kiritilgan bir paytda mamlakatdan oziq-ovqat va o‘g‘itlarning dunyo bozoriga yetkazilishiga yordam berishni ko‘zda tutardi.

Sentabr boshida AQSH prezidenti Jo Bayden “Rossiyani terrorizm homiysi bo‘lgan davlat sifatida tan olish kerakmi, yo‘qmi?” — degan savolga rad javobini bergan edi. Iyul oxirida AQSH senati davlat kotibi Entoni Blinkenga shunday da’vat bilan rezolyutsiya qabul qilgan edi.

Avgustda esa Rossiya Tashqi ishlar vazirligi AQSHni mamlakat Vashington tomonidan terrorizm homiysi  deb tan olingan taqdirda, “ortga qaytmaslik nuqtasi”ga yetib kelishi haqida ogohlantirdi. Rossiya TIVning Shimoliy Amerika departamenti direktori Aleksandr Darchiyev u holda Rossiya AQSH bilan diplomatik aloqalar darajasini pasaytirishi yoki ularni uzib tashlashi mumkinligini istisno qilmadi.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi