Bugun,

  • USD 11095.31
  • RUB 173.84
  • EUR 10772.44

Alibaba kompaniyasi asoschisi, milliarder Jek Ma Xitoyni tark etgan va qariyb yarim yildan buyon Tokioda yashamoqda. Bu haqda Financial Times qachonlardir Xitoydagi eng boy biznesmen bo‘lgan Maning yashash joyidan xabardor manbalariga tayanib ma’lum qildi.

Foto: EPA

Foto: EPA

Gazeta qayd etishicha, Jek Ma “Pekinning mamlakat texnologik sektoriga va uning eng nufuzli tadbirkorlariga nisbatan davom etayotgan bosimi fonida” Xitoydan ketgan.

Manbalarga ko‘ra, Ma Yaponiyaga oilasi, shaxsiy oshpazi va qo‘riqchilari bilan birga jo‘nab ketgan. Gazeta yozishicha, biznesmen o‘zini panada tutib, Tokiodagi xususiy klublarga boradi, “kolleksionerlikka mukasidan ketgan” va “biron narsa bilan shug‘ullanib vaqt o‘tkazish uchun” akvarel bilan chizishni boshlagan. FT ma’lumotlariga ko‘ra, Ma Tokiodagi issiq buloqlar va tog‘-chang‘i kurortlariga boradi, shuningdek, AQSH va Isroilga muntazam safar qilib turadi.

Jek Ma 2020-yil oktabrida Shanxaydagi konferensiyada nutq so‘zlab, Xitoy regulyatorlarini tanqid qilgani va davlat banklarini “Lombard mentaliteti”da ayblaganidan keyin omma oldida ko‘rinish bermay qo‘ygandi. Shundan keyin moliyaviy regulyatorlar Mani suhbatga chaqirgan.

Voqeadan keyin bir oy o‘tib, biznesmen o‘zining Ant Group moliyaviy texnologiyalar kompaniyasining birjaga chiqishini so‘nggi lahzada kechiktirdi, uning IPO’si tarixdagi eng yirigi bo‘lishi mumkin edi. 2021-yilda Xitoy hukumati Alibaba’ni monopoliyaga qarshi qonunchilikni buzgani uchun 2,8 milliard dollarlik jarimaga tortdi, bu mamlakat uchun rekord summa hisoblanadi.

Izoh
Asosiy yangiliklar
Dunyo
Moskva metrosidagi eng yirik terakt, Olimpiada o‘yinlariga mezbonlik qilgan Gitler va 25 yoshida Britaniya taxtiga o‘tirgan Yelizaveta. Kun xronologiyasida 6-fevra...
Dunyo
Turkiyada 7,4 magnitudali zilzila yuz berdi
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi