Bugun,

  • USD 11095.31
  • RUB 173.84
  • EUR 10772.44

Majburiy ijro byurosi ishdan noqonuniy bo‘shatilgan Baxtiyor Xajixanov va Ruslan Muhammadiyevni Sog‘liqni saqlash vazirligiga hamda Abdurauf Tojiyevni Sirdaryo viloyati hokimligiga ishga tiklashni paysalga solmoqda.

Bundan ikki yil avval Sog‘liqni saqlash vazirining tegishli buyrug‘i bilan vazirlikning Kompleans, ichki audit va moliyaviy nazorat xizmati boshlig‘i Baxtiyor Xajixanov ishdan olingan edi. Oktabr oyida Oliy sudning takroriy kassatsiya sudlov hay’ati qaroriga ko‘ra, SSVdan nohaq bo‘shatilgan sobiq xodim Baxtiyor Xajixanov o‘z ishiga tiklanadigan va unga yetkazilgan moddiy zarar (majburiy progul summasi) undirib beriladigan bo‘lgan edi.

Baxtiyor Xajixanov

Baxtiyor Xajixanov
Foto: “Daryo”

SSV tomonidan noqonuniy bo‘shatilgan fuqaro Ruslan Muhammadiyev ham sentabr oyida Oliy sud tomonidan Sog‘liqni saqlash vaziriligining Yuridik bo‘lim boshlig‘i lavozimiga tiklash haqida qaror qabul qilgan edi.

Yuqorida zikr etilgan ikkala fuqaro sud qarorini Majburiy ijro byurosining Shayxontohur tuman bo‘limiga o‘z vaqtida topshirgan bo‘lsa-da, bugungacha xodimlar o‘z ishiga tiklanmagan.

Yana bir holatda — oktabr oyida Oliy sud Sirdaryo viloyati hokimligi Moliya boshqarmasi boshlig‘i lavozimida ishlab, nohaq sudlanib keyin oqlangan Abdurauf Tojiyevni o‘z lavozimiga qayta tiklagan edi. Ammo Abdurauf Tojiyev ham haligacha o‘z ishiga qayta tiklanmagan.

Abdurauf Tojiyev

Abdurauf Tojiyev
Foto: “Daryo”

Abdurauf Tojiyevning ishi yuzasidan MIB axborot xizmatining “Daryo”ga ma’lum qilishicha, ijro harakatlari davrida Byuro tomonidan Sirdaryo viloyat hokimligiga bir necha marotaba ijro ishi ijrosini ta’minlash yuzasidan murojaat qilingan, lekin amalda ishga tiklash bajarilmagan. Ta’kidlanishicha, ushbu ijro ishi Byuro markaziy apparati tomonidan alohida nazoratga olingan va ijro harakatlari davom ettirilmoqda.

Ko‘rinib turibdiki, sud qarorini vaqtida bajarmagani uchun MIB na sog‘liqni saqlash vaziriga, na Sirdaryo viloyati hokimiga chora ko‘rmagan.

Amaldagi Mehnat kodeksi 273-moddasiga asosan, xodim bilan tuzilgan mehnat shartnomasi g‘ayriqonuniy ravishda bekor qilinganda uni ishga tiklash to‘g‘risida sud chiqargan hal qiluv qarori darhol ijro etilishi lozim. Bu qoida O‘zbekiston Fuqarolik protsessual kodeksining 266-moddasi hamda “Sud hujjatlari va boshqa organlar hujjatlarini ijro etish to‘g‘risida”gi qonunning 82-moddasida ham keltirib o‘tilgan.

Sud hujjatlarini yoki Majburiy ijro byurosi organlarining talablarini uzrsiz sabablarga ko‘ra ijro qilmagan mansabdorlar Ma’muriy javobarlik to‘g‘risidagi kodeksning 1981 va 1982-moddalariga muvofiq ma’muriy jarimaga tortiladi. Shundan keyin ham bu holatlar takrorlanadigan bo‘lsa, aybdorlarga nisbatan Jinoyat kodeksining 232-moddasiga asosan jinoiy javobgarlik choralari ko‘rilishi mumkin.

Izoh

JASUR

3 fevral, 16:49

Majburiy Ijro Byurosini ishini mansabdorlar bajaradigan bo'lib qoladiku unda hujjatlar to'g'ridan to'g'ri mansabdorlarga yetkazilsin MIB orqali emas ,shunda maqsadga muvofiq bo'lsa kerak.

Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi