Ichki ishlar vazirligi 2022-yilning yanvar—oktabr oylarida fuqarolar hamda chet ellik shaxslar tomonidan sodir etilgan uchuvchisiz uchish apparatlarini olib kirish bilan bog‘liq qonunbuzarliklar haqida xabar berdi.
Qayd etilishicha, 10 oyda Transport va turizm obyektlarida xavfsizlikni ta’minlash departamenti tomonidan O‘zbekiston hududiga dronlarni noqonuniy olib kirgani uchun 22 kishi, jumladan, 21 nafar chet ellik shaxs jinoiy javobgarlikka tortilgan.
Aniqlangan holatlar yuzasidan jinoyatlarning sabablari va ularning sodir etilishiga imkon bergan shart-sharoitlar o‘rganilgan. Bunda boshqa omillar bilan bir qatorda, aksariyat hollarda mamlakatga kelayotgan chet el fuqarolari UUAlarini olib kirish bo‘yicha o‘rnatilgan tartib-qoidalarni bilmasdan, bojxona chegarasi o‘tkazish punktlaridan “yashil” yo‘lak orqali o‘tib, bu kabi qurilmalarni to‘siqlarsiz olib kirgani ma’lum bo‘lgan.
Izoh (0)