Bugun,

  • USD 11095.31
  • RUB 173.84
  • EUR 10772.44

Afg‘onistonda koalitsion hukumat shakllantirish mamlakatning ichki masalasi hisoblanadi. “Tolibon” harakati rasmiy vakili Bilol Karimiy Rossiya prezidenti Vladimir Putinning koalitsion afg‘on hukumatini yaratish zarurligi haqidagi bayonotiga shu tariqa javob berdi. Bu haqda TOLOnews xabar bermoqda.

KXSHT mamlakatlari yetakchilari Yerevanda

KXSHT mamlakatlari yetakchilari Yerevanda
Foto: “RIA Novosti”

Putin 23-noyabr kuni Yerevanda bo‘lib o‘tgan Kollektiv xavfsizlik shartnomasi tashkiloti (KXSHT) mamlakatlari rahbarlari uchrashuvida Afg‘onistonda koalitsion hukumatning shakllantirilishi Rossiya va Markaziy Osiyo mintaqasi davlatlari uchun ustuvor masala ekanini aytgandi.

“Ushbu bosqichdagi ustuvor vazifa — haqiqatda inklyuziv afg‘on hukumati shakllanishini ta’minlash, unga Afg‘onistondagi barcha etnik guruhlar vakillari zarur darajada kirishi kerak”, — degandi Putin.

Karimiyning aytishicha, Afg‘onistonda hukumat shakllanishi faqat afg‘onistonliklarning o‘zlariga bog‘liq bo‘lishi kerak.

“Afg‘onistonda siyosiy tizim shakllanishi va koalitsion hukumat shakllanishi — bu mamlakatning ichki masalasi, Islom amirligi esa Afg‘onistonning amaldagi hukumati sifatida xalqimiz manfaati yo‘lida qarorlar qabul qiladi”, — dedi Karimiy.

“Tolibon” harakati o‘tgan yil avgustida Afg‘onistonda hokimiyatni o‘z qo‘liga olgan edi. So‘ng ular o‘z hukumatini shakllantirdi. Unga faqat harakat a’zolari kirdi. Bu hukumatni shu paytgacha dunyoning hech bir davlati tan olgani yo‘q.

Shu bilan birga, turli mamlakatlar hukumatlari har xil loyihalar doirasida toliblar bilan de-fakto hamkorlik qiladi.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov