Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda 20-noyabr kuni “Farg‘onada tarix yo‘q qilinmoqda” sarlavhali tanqidiy maqola e’lon qilingan edi. Holat yuzasidan Farg‘ona viloyati madaniy meros boshqarmasi tomonidan o‘rganish ishlari olib borildi.

Foto: Telegram

Foto: Telegram

Aniqlanishicha, Quva tumani “Toshkent” mahalla fuqarolar yig‘ini hududida joylashgan “Quva shahristoni” arxeologiya yodgorligi Vazirlar Mahkamasining 2019-yil 4-oktabridagi “Moddiy madaniy merosning ko‘chmas mulk obyektlari milliy ro‘yxatini tasdiqlash to‘g‘risida”gi qaroriga asosan davlat mulki sifatida muhofazaga olingan.

21-noyabr kuni Farg‘ona viloyat prokuraturasi, Madaniy meros boshqarmasi va tegishli tashkilotlar mas’ullari ishtirokida joyiga chiqqan holda o‘rganish olib borilganda mazkur obyektning muhofaza hududida mahalliy tadbirkor tomonidan noqonuniy ravishda oqova tarmog‘ini tortish ishlari olib borilayotgani aniqlandi va joyida to‘xtatildi.

Foto: Telegram

Foto: Telegram

“Quva shahristoni” arxeologiya yodgorligi miloddan avvalgi IV asr, milodiy V-VII-XIII asrlarga tegishli madaniy meros obyekti bo‘lib, mazkur obyektning muhofaza hududidan “Farg‘ona qurilish invest loyiha” MCHJ tomonidan belgilangan tartibda vakolatli organning ruxsatnomasini olmagan holda quvur (kanalizatsiya) o‘tkazish uchun qazish ishlari olib borilgan.

“Madaniy meros obyektlarini muhofaza qilish va ulardan foydalanish to‘g‘risida”gi qonunning 24- moddasida madaniy meros obyektlari joylashgan yerlarda hamda ularga tutash hududlarda yer qazish, yer tuzish, qurilish, melioratsiya, xo‘jalik ishlari va boshqa ishlarni amalga oshirish uchun Madaniy meros agentligining ruhsatnomasini olish lozimligi belgilangan. Shuningdek, Davlat arxitektura va qurilish qo‘mitasi buyrug‘i bilan tasdiqlangan 40-sonli “Shaharsozlik normalari va qoidalari”ning 333-bandida Madaniy meros obyektlaridan transport va muhandislik kommunikatsiyalarigacha bo‘lgan masofalar murakkab relyef sharoitida — 100 m, tekis relyefda 50 metrgacha deb ko‘rsatilgan.

Foto: Telegram

Foto: Telegram

“Farg‘ona qurilish invest loyiha” MCHJ tomonidan mazkur talablar buzilgan holda yodgorlik muhofaza hududida noqonuniy qazishma ishlari olib borilgani aniqlanib, unga ko‘ra, viloyat Madaniy meros boshqarmasi tomonidan jamiyat rahbariga nisbatan Ma’muriy javobgarlik to‘g‘risidagi kodeksning 64-moddasi (moddiy madaniy meros obyektlarini muhofaza qilish va ulardan foydalanish qoidalarini buzish) bilan ma’muriy javobgarlik to‘g‘risida ish qo‘zg‘atilib, mazmunan ko‘rib chiqish uchun Quva tumani sudiga yuborilgan.

Bundan tashqari, “Quva shahristoni” arxeologiya yodgorligining “G‘alaba” MFY hududi qismidagi muhofaza mintaqasining uzinligi taxminan 70 metr, eni 4 metr bo‘lgan qismiga savdo do‘konlariga mo‘ljallangan poydevor qurish ishlari olib borilgan.

Hozirda tuman IIB TB tomonidan mazkur qurilish ishlarini qonuniyligini o‘rganish bo‘yicha hujjatlar to‘planib, tergovga qadar tekshirish harakatlari olib borilmoqda.

Mavzuga doir:

Izoh
Asosiy yangiliklar
Mahalliy
O‘zbekistonda 175 kishining pasportiga IMEI kodlari noqonuniy ro‘yxatdan o‘tkazilgani aniqlandi
Dunyo
Pablo Eskobar buyrug‘i bilan portlatilgan Boeing, “Nevskiy ekspress” poyezdidagi terakt va sovet hukumatiga qarshi boshlangan Slutsk qo‘zg‘oloni. Kun xronologiyasi...
Mahalliy
Uy-ro‘zg‘or ishlari ayollarning iqtisodiy faolligini tushiradi: O‘zbek ayolining martabaga erishish imkoniyatlari tahlil qilindi