Bugun,

  • USD 11095.31
  • RUB 173.84
  • EUR 10772.44

Yevropa kosmik agentligi (YKA) kosmosga parvozlar uchun tayyorgarlik boshlayotgan yangi astronavtlar jamoasiga ilk bor nogiron kishi ham kiritilishini e’lon qildi. U britaniyalik Jon Makfoll —  jarroh va sobiq paraatletchi, deyilgan agentlik saytidagi xabarda.

Foto: Yevropa kosmik agentligi sayti

Foto: Yevropa kosmik agentligi sayti

YKA bosh direktori Yozef Ashbaxer 22 500 dan ortiq da’vogarlar orasidan tanlab olingan 17 kishining nomzodini taqdim etdi. Ushbu yangi astronavtlar sinfida besh nafar professional astronavt, 11 nafar zaxiradagi va bir nafar nogiron astronavt bor.

Foto: Twitter

Foto: Twitter

Jon Makfoll 19 yoshida mototsiklida avariyaga uchragan va oqibatda oyog‘idan ayrilgan. Shundan so‘ng u Britaniya Paralimpiya terma jamoasiga qo‘shilib, sportchi sifatida karyerasini boshlagan.

“Amputatsiya qilingan odam sifatida men kosmonavt bo‘laman deb sira o‘ylamagandim”, — dedi Jon Makfoll.

U kosmik missiyaning bir qismiga aylanish uchun hali ko‘p bosqichdan o‘tishi kerak. Makfoll kelajakdagi missiyalarda nogironlarning ham ishtiroki uchun zarur bo‘lgan sharoitlarni sinovdan o‘tkazish maqsadida tanlangan.

“12 oylik boshlang‘ich tayyorgarlik o‘taganidan so‘ng, yangi astronavtlar kosmik stansiyada mashg‘ulotlarning navbatdagi bosqichini boshlashga tayyor bo‘ladi, missiyaga tayinlangandan keyin esa ularning tayyorgarligi missiyaning aniq vazifalariga moslashtiriladi”, — deyiladi agentlik xabarida.

YKA ma’lumotlariga ko‘ra, shu vaqtgacha birorta yirik G‘arb agentligi koinotga “paraastronavtlarni” yubormagan.

 

Mavzuga doir: SpaceX tarixdagi birinchi kosmik sayyohni Oy bo‘ylab parvozga yuboradi

 

Izoh
Asosiy yangiliklar
Mahalliy
Namanganda ijtimoiy tarmoqlarda so‘kingan audiosi tarqalgan tuman hokimiga hayfsan berildi
Mahalliy
Turkiyaning TRT kanali Luvr muzeyidan Katta Langar Qur’oni namoyishiga oid reportaj tayyorladi (video)
Mahalliy
Kovidning yangi varianti bolalar va homiladorlarda qanday kechmoqda?