Krishtianu Ronaldu: “Portugaliya chempion bo‘ladi, biroq sen gol urmaysan deyishsa, bunga rozi bo‘lardim”

Portugaliya terma jamoasi va “Manchester Yunayted” hujumchisi Krishtianu Ronaldu Jahon Chempionati haqida fikrlari bilan o‘rtoqlashdi.

Portugaliyaning JCHlardagi eng yaxshi to‘purari Eysebioning rekordini yangilash haqida

Bu manmanlikdek ko‘rinishi mumkin, biroq men rekordlarni emas, rekordlar meni ta’qib qiladi, deyishda davom etaman.

Eysebioning rekordini yangilash juda ajoyib ish bo‘lgan bo‘lardi, albatta. Biroq rostini aytadigan bo‘lsam, bu meni uyqumni qochiradigan darajada bezovta qilmaydi. Agar menga Portugaliya chempionga aylanadi, lekin sen gol ura olmaysan deyishsa, uni ikkilanmay qabul qilardim. Bolalarimni o‘rtaga qo‘yib qasam ichaman.

Chempionlik kurashidagi ishonch borasida

Qaysi jamoa eng yaxshi ekanini oxirida ko‘ramiz. Yoki eng yaxshi jamoa yoki eng yaxshi avlod g‘alaba qozonadi.

Jahon Chempionatini yutish uchun biz eng yaxshi jamoa bo‘lishimiz kerak, bunga ishonsak, g‘alabaga yaqin borgan bo‘lamiz. Buni maydonga isbotlash kerak.

Hozirgi avlod Portugaliya tarixidagi eng yaxshi ekani haqida

O‘ylashimcha, ha, bu avlod juda yaxshi, chunki u yosh va jipslashgan. Buni tomosha qilish yoqimli. Talablar yuqori, ishonchni shakllantirish uchun xotirjamlikni saqlash kerak.

Krishtianu Ronaldu, futbolchi

• “Ten Hagni hurmat qilmayman. Klub menga xiyonat qildi” — Ronaldu “Manchester Yunayted”dagi vaziyat haqida keskin gapirdi
• “Fergyuson o‘zidan keyin klubda katta bo‘shliq qoldirib ketgan ekan”. Krishtianu Ronalduning shov-shuvli intervyusi e’lon qilindi
• “Manchester Yunayted” Ronalduning intervyusi bo‘yicha rasmiy bayonot berdi