NATO bosh kotibi Yens Stoltenberg Madridda bo‘lib o‘tayotgan Parlament assambleyasida Rossiya prezidenti Vladimir Putin yo‘l qo‘ygan ikkita strategik xatoni aytdi. Bu haqda El Pais xabar berdi.
Stoltenbergning fikricha, Putin Ukraina xalqining jasorati va Shimoliy Atlantika alyansi birligini past baholab, strategik xatoga yo‘l qo‘ydi. NATO bosh kotibi uzoq urishga tayyor bo‘lish kerakligi haqida ogohlantirdi. U Rossiya prezidenti harbiy amaliyotda muvaffaqiyatsizlikka uchraganiga qaramay, Rossiyaning harbiy qudratini past baholash xato hisoblanishini ta’kidladi.
“Ukrainani uzoq vaqt davomida qo‘llab-quvvatlashga tayyor bo‘lishimiz kerak. Demokratik davlatlar vaqt o‘tishi bilan o‘z sa‘y-harakatlarini saqlab qola olmaydi, deb o‘ylay olmaymiz”, — deydi NATO bosh kotibi.
Stoltenberg urush muzokaralar stolida yakunlanishini tabiiy ekanini aytdi. Agar Ukraina uchun maqbul natijaga erishish kerak bo‘lsa, Kiyevni qo‘llab-quvvatlashni oshirish zarurligini qayd etdi.
“Biz muzokaralarga intilamiz, lekin kuch ishlatishning shafqatsizligi g‘alabasini anglatuvchi natijani xohlamaymiz. Putin g‘alaba qozona olmaydi, aks holda bu falokat bo‘ladi”, — deya qo‘shimcha qildi u.
Avvalroq, NATO bosh kotibi Rossiya qo‘shinlarining Xersondan chekinishi Ukraina uchun yana bir g‘alaba hisoblanishini ma’lum qilgandi.
Izoh (0)