Shimoliy Koreya davlat agentligi “Xvason-17” qit’alararo ballistik raketasi uchirilgani haqida xabar berdi, parvoz jarayonida KXDR davlat kengashi raisi Kim Chen In, uning rafiqasi Li Sol Chju va qizi (ismi Kim Chju E deb taxmin qilinadi) qatnashgan. Uni Koreya Markaziy telegraf agentligi tomonidan e’lon qilingan bir nechta suratlarda ko‘rish mumkin, bu Shimoliy Koreya yetakchisi qizining omma oldiga birinchi marta chiqishidir.
“Pxenyan xalqaro aeroportidan uchirilgan yangi turdagi ‘Xvason-17’ qit’alararo ballistik raketasi 4135 soniya uchdi, parvoz masofasi 998 kilometrni, maksimal balandlik esa 6040,9 kilometrni tashkil qildi”, — deyiladi KMTAning raketa sinovi haqidagi maqolasida.
Unga ilova qilingan suratlarning to‘rttasida maktab yoshidagi qizcha bo‘lib, u Kim Chen Inning qo‘lidan ushlab, u bilan birga harbiy texnikani ko‘zdan kechirib yuribdi. Maqolada qizchaning kimligiga to‘xtalib o‘tilmagan.
2013-yilda Shimoliy Koreyaga tashrif buyurgan basketbolchi Dennis Rodman Kim Chen Inning “kichkina qizchasi” borligini, uning ismi Chju E ekanini aytgandi. “Men ularning farzandi Chju Eni qo‘limda ko‘tardim va Ri xonim bilan suhbatlashdim”, — deya sportchi o‘z safaridan keyin jurnalistlarga gapirib bergandi.
18-noyabr kuni Shimoliy Koreya Koreya yarim orolidan sharqqa qarata katta masofali ballistik raketa uchirdi. Yaponiya Mudofaa vazirligi ma’lumotlariga ko‘ra, snaryad Koreya yarim orolining g‘arbiy sohillaridan uchirilgan va Yaponiya iqtisodiy zonasiga — Xokkaydo orolidan g‘arbga, dengizga kelib tushgan.
Izoh (1)
ШТРАФДАН КУРА АНЧА АРЗОН ТУШАДИГАН КОТТА КУЧОКЛАБ БУЛМАС ДАРАХЛАРНИ КУЧИРИШ ТЕХНОЛОГИЯСИ - ОДДИЙ ЭКСКАВАТОР ВА КОТТА ФУРА ЁКИ ГРУЗОВИК БИЛАН ХАМ КИЛСА БУЛАДИ.
https://www.treemover.com/portfolio/san-diego-zoo-2/
https://youtu.be/soxY_dU0G64