Bugun,

  • USD 11095.31
  • RUB 173.84
  • EUR 10772.44

NATO bosh kotibi Yens Stoltenberg 8-noyabr, seshanba kuni Sharm ash-Shayxdagi iqlim konferensiyasi doirasidagi forumda alyans Ukrainada Rossiya shartlari bo‘yicha o‘t ochishni to‘xtatishga intilmayotganini bildirdi, deb yozadi “RIA Novosti”.

Foto: “RIA Novosti”

Foto: “RIA Novosti”

“Agar Ukraina Rossiya talablari tomon yondashsa va Rossiya bostirib kirganini, hududlarni egallab olganini tan olsa, hujumlarning davom etish xavfi bor. Bu nafaqat Ukraina uchun falokat, balki barchamiz uchun ham xavflidir, chunki bu qo‘shni davlatlar ustidan nazoratni qo‘lga kiritish uchun kuch ishlatish imkoni haqida signal bo‘ladi”, — dedi Stoltenberg nega G‘arb Ukrainada o‘t ochishni to‘xtatishga intilmoqchi emas va Kiyevga harbiy yordam ko‘rsatishni davom ettirish niyatida degan savolga javob berarkan.

Bosh kotib, shuningdek, urushdan oldin Rossiya go‘yoki nafaqat Ukrainaga, balki NATO va alyans davlatlariga nisbatan ham “ambitsiyalarini namoyish qilganini” unutmaslikka chaqirdi. “Ular NATO eshiklarini yopishini, Shvetsiya va Finlyandiyaning alyansga a’zo bo‘lishiga yo‘l qo‘ymaslikni xohladi. Ular NATOning blokning sharqiy qismidan barcha kuchlarini olib chiqib ketishini istadi. Buni qabul qilib bo‘lmaydi”, — dedi Stoltenberg.

Shu bilan birga, u Shimoliy Atlantika bloki hali ham “urushni tugatishni xohlashini” ta’kidladi. “Hamma urush tugashini xohlaydi, lekin agar uni Ukraina to‘xtatsa, u mustaqil davlat sifatida mavjud bo‘lishdan ham to‘xtaydi. Agar Rossiya urushni to‘xtatsa, dunyo tinchlikka erishadi. Ha, biz urushni tugatishni xohlaymiz va eng yaxshi yo‘l Putin o‘z qo‘shnisi — Ukraina suverenitetini hurmatini joyiga qo‘yishdir”, — deb tushuntirdi Bosh kotib.

U NATO Ukraina mojarosida ishtirok etmasligini yana bir bor ta’kidladi. “Rossiya qo‘shnilari nima qila oladi yoki qila olmasligini hal qiladigan ta’sir doirasi tizimini tiklamoqchi. Bu dunyo uchun xavfliroq bo‘ladi... Ukraina o‘zini himoya qilish huquqiga ega, NATO va ittifoqchilar mojaro tarafdori emas, lekin Biz Ukrainani qo‘llab-quvvatlaymiz”, — dedi Stoltenberg.

Avvalroq Vladimir Zelenskiy Ukrainaning muloqotni boshlash shartlarini aytib o‘tgani haqida xabar qilingan edi.

Izoh
Asosiy yangiliklar
Maslahatlar
Trikotaj kiyimlarga zarar yetkazmasdan qanday yuvish mumkin?
Mahalliy
Navoiyda 454 nafar fuqaroning bank kartalaridagi pullarni o‘zlashtirgan jinoiy guruh qo‘lga olindi
Dunyo
Politico nashri Zelenskiyni eng nufuzli yevropalik, Putinni esa yilning eng omadsiz odami deb e’lon qildi