O‘zbekiston ikkinchi: Markaziy banklar uchinchi chorakda rekord miqdorda oltin sotib oldi
2022-yilning uchinchi choragida jahon markaziy banklari 399,3 tonna oltin sotib olgan. Bu haqda Butunjahon oltin kengashi ma’lumotlarida aytiladi.
Uchinchi chorakdagi ko‘rsatkich o‘tgan chorakka nisbatan 115 foizga ko‘pdir. Bu markaziy banklar tomonidan 2000-yildan beri eng yirik choraklik qimmatbaho metal xaridi bo‘ldi.
2018-yilning uchinchi choragida o‘rnatilgan avvalgi rekord deyarli ikki baravar kam — 241 tonnani tashkil qilgan.
Yil boshidan buyon xaridlarning umumiy hajmi (673,01 tonna) 1967-yildan boshlab o‘tgan yillardagi ko‘rsatkichlardan ham oshib ketdi.
O‘zbekiston faol ravishda oltin sotib olishda davom etmoqda. Biroq mamlakat mart oyidan beri oltin sotayotgani yo‘q.
Uchinchi chorakda oltinning eng yirik xaridorlari Turkiya, O‘zbekiston va Qatar markaziy banklari bo‘ldi.
Turkiya 31 tonna oltin sotib olib bu borada yetakchi bo‘lib turgan bo‘lsa, O‘zbekiston 26 tonna oltin sotib olgan holda ikkinchi bo‘lgan.
Markaziy banklarning bu darajada ko‘p oltin sotib olayotgani — uchinchi chorakda narxlar bir necha yillik eng past darajada bo‘lgani bilan izohlanadi.
