Yaponiya hukumati 29-sentabrdan 27-oktabrgacha milliy valyutani qo‘llab-quvvatlash maqsadida valyuta bozoridagi intervensiyalar uchun 6,35 trillion iyena (43,06 milliard dollar) sarfladi. Bu haqda mamlakat moliya vazirligiga tayanib “Interfaks” xabar bermoqda.
Yaponiya banki o‘ta yumshoq pul sharoitlarini saqlab qolgan bo‘lsa-da, Fed ko‘p yillik rekord darajadagi yuqori inflyatsiyaga qarshi kurashish uchun pul-kredit siyosatini kuchaytirishni davom ettirdi.
Shu fonda, 22-sentabr kuni Yaponiya hukumati 24 yil ichida birinchi marta valyuta bozoriga aralashishga qaror qildi, bu esa iyenani qisqa vaqt davomida qo‘llab-quvvatladi.
Biroq keyinroq 21-oktabrda milliy valyuta 32 yil davomida minimal darajaga tushib, 1 dollar uchun 151,90 iyenaga yetdi.
Shundan so‘ng moliya vaziri Shunichi Suzukiy iyena kursining keskin pasayib ketishidan xavotir bildirdi va milliy valyutani qo‘llab-quvvatlash uchun intervensiya qilishga tayyorligini bildirdi.
Shu bilan birga, Suzukiy jurnalistlarga intervensiya sodir bo‘lgan yoki bo‘lmagani haqida izoh bermasligini aytdi.
Avvalroq iyena kursi 32 yillik eng past darajaga tushib ketgani haqida xabar berilgandi.
Mavzuga doir:
Izoh (0)