Turkiya Yevropani Rossiya va Eron energiyasi bilan ta’minlay olishini e’lon qildi

Turkiya o‘zining geografik joylashuvidan kelib chiqib, Rossiya, Eron va Saudiya Arabistonidan Yevropaga tabiiy gaz va neft yetkazib berish uchun o‘ziga xos energiya koridoriga aylanishi mumkin. Bu mamlakat moliya va g‘aznachilik vaziri Nuriddin Nebatiga tayanib “TASS” xabar bermoqda.

Gaz va neft Turkiya hududi orqali Yevropaga arzonroq va xavfsiz tarzda yetkazilishi mumkin, — deya vazirning so‘zlarini keltiradi Sabah gazetasi.

Uning so‘zlariga ko‘ra, prezident Rajab Toyyib Erdo‘g‘on Rossiya va Eron gazini Turkiya orqali Yevropaga yetkazish g‘oyasini qo‘llab-quvvatlaydi.

Shuningdek, prezident bu mintaqada tinchlik va energiya xavfsizligiga hissa qo‘shishiga, dunyo tanazzulga yuz tutayotgan bir paytda energiya narxining pasayishiga hissa qo‘shishiga ishonadi.

Rossiya prezidenti Vladimir Putin “Rossiya energetika haftaligi” forumida so‘zlagan nutqida “Shimoliy oqim” orqali yo‘qolgan tranzit hajmi qayta yo‘naltirilishi mumkin bo‘lgan Yevropaning eng yirik gaz markazini Turkiyada yaratish g‘oyasini ilgari surgan.

Avvalroq Turkiya gaz ta’minoti markaziga aylanishi haqida xabar berilgandi.