Bugun,

  • USD 11095.31
  • RUB 173.84
  • EUR 10772.44

Rossiya prezidenti Vladimir Putin AQSHda giyohvand moddalar kontrabandasida ayblanib 20 yilga ozodlikdan mahrum etilgan uchuvchi Konstantin Yaroshenkoni Rossiya Jamoatchilik palatasi tarkibiga kiritdi. Putinning farmonida Yaroshenko “huquq himoyachisi va jamoat arbobi” deb ataladi.

Konstantin Yaroshenko

Konstantin Yaroshenko
Foto: “TASS”

Konstantin Yaroshenko Afrika mamlakatlariga samolyotda yo‘lovchi va yuk tashish bilan shug‘ullangan. 2010-yilda u Liberiyada hibsga olingan va keyin AQSHga ekstraditsiya qilingan. Tergov ma’lumotlariga ko‘ra, Yaroshenko Lotin Amerikasidan Liberiya orqali AQSHga bir necha tonna kokain yetkazib berishni rejalashtirgan.

Yaroshenko o‘z aybini tan olmagan. 2011-yilda u giyohvand moddalarni kontrabanda qilishda aybdor deb topilib, 20 yillik qamoq jazosiga hukm qilingan. 2022-yilning aprel oyi oxirida Yaroshenko amerikalik talaba Trevor Ridga almashtirildi — Rid Rossiyada politsiyachilarga hujum qilgani uchun 9 yilga ozodlikdan mahrum etilgan edi.

2022-yil may oyida Yaroshenko Rossiyada jamoat ishlari bilan shug‘ullanishni rejalashtirayotganini e’lon qildi. “Hozir shunday kayfiyatdamanki, mening barcha bilimlarim, ko‘nikmalarim Rossiya jamoat hayotida amerikaliklar aslida qandayligini ko‘rsatish uchun foyda berishi mumkin”, — dedi u.

Rossiya va AQSH boshqa mahbuslarni almashish bo‘yicha muzokaralar olib bormoqda. OAV ma’lumotlariga ko‘ra, iyul oyi oxirida AQSH prezidenti Jo Bayden ma’muriyati Rossiyaga tadbirkor Viktor Butni amerikalik sobiq politsiyachi Pol Uilan va basketbolchi Brittni Grinerga almashtirishni taklif qilgan.

Izoh
Asosiy yangiliklar
Dunyo
Ukraina 2 ta aerodromga dronlar bilan zarba berishga urindi — Rossiya Mudofaa vazirligi
Mahalliy
O‘zbekistonda noyabr oyida qancha chaqaloq tug‘ilgani ma’lum bo‘ldi
Mahalliy
“Mehnati ko‘p bo‘lsa-da, maoshi kam, olgan puli halol bo‘lsin”. Jamoatchilik elektr montyorlarni olqishlamoqda