Bugun,

  • USD 11095.31
  • RUB 173.84
  • EUR 10772.44

Qirg‘iziston 2023—2025-yillarga mo‘ljallangan Birlashgan Millatlar Tashkiloti Inson huquqlari kengashiga a’zolik uchun saylovlarda g‘alaba qozondi. Bu haqda Qirg‘iziston Tashqi ishlar vazirligi matbuot xizmatiga tayanib, “24.kg” xabar berdi.

Foto: “Azattyk”

Foto: “Azattyk”

Osiyo davlatlari orasida BMTning Inson huquqlari bo‘yicha kengashiga a’zo bo‘lish uchun oltita davlat ariza topshirgan: Qirg‘iziston, Afg‘oniston, Bangladesh, Vyetnam, Maldiv orollari va Koreya. BMTga a’zo 126 davlat Qirg‘izistonning BMT Inson huquqlari bo‘yicha komissiyasiga kirishi uchun ovoz bergan.

TIV qayd etishicha, Qirg‘izistonning BMT Inson huquqlari bo‘yicha komissiyasiga yana saylanishi “mamlakatning inson huquqlari sohasidagi yutuqlari, inson huquqlarini himoya qilish va ilgari surish bo‘yicha global kampaniyaga kelajakdagi hissasi jahon hamjamiyati tomonidan e’tirof etilishi”ni anglatadi.

Bungacha Qirg‘iziston ikki marta BMT Inson huquqlari kengashi a’zosi bo‘lgan: 2009—2012 va 2016—2018-yillarda.

Inson huquqlari bo‘yicha kengash BMT tizimining hukumatlararo organi bo‘lib, u butun dunyoda inson huquqlarini himoya qilish uchun mas’ul 47 davlatdan iborat. Kengash vakolatiga inson huquqlari sohasidagi barcha masalalar va vaziyatlarni muhokama qilish kiradi.

Inson huquqlari bo‘yicha kengash yig‘ilishlari BMTning Jenevadagi ofisida bo‘lib o‘tadi.

Izoh
Asosiy yangiliklar
Maslahatlar
Qishda kasal bo‘lmaslikning sinalgan 5 ta usuli
Mahalliy
“O‘zbekiston milliy elektr tarmoqlari” boshqaruvi raisi va yana 3 mas’ulga hayfsan berildi
Dunyo
“Rossiya bahorda yangi hujum boshlash uchun Ukrainadagi urushni muzlatmoqchi” — Stoltenberg