7-oktabr kuni Toshkent davlat iqtisodiyot Universitetida (TDEU) o‘zaro hamkorlik memorandumini imzolash marosimi bo‘lib o‘tdi. Uchrashuv doirasida “Asakabank” AJ rahbariyati va talabalar o‘rtasida “ochiq muloqot” tashkil etildi.
“O‘zbekiston Respublikasi prezidentining 2019-yil 8-oktabrdagi “O‘zbekiston Respublikasi oliy ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi PF-5847-sonli Farmoniga asosan “Asakabank” AJ va Toshkent davlat iqtisodiyot Universiteti o‘rtasida o‘zaro hamkorlik to‘g‘risidagi memorandum imzolandi. Bu bank va Universitet o‘rtasidagi munosabatlarning sifat jihatidan yangi, hatto innovatsion darajasiga olib keladi, chunki hujjatda ikkala tomon uchun ham foydali bo‘lgan bir qator qo‘shma ta’lim va amaliy loyihalar ko‘zda tutilgan», - dedi “Asakabank” AJ boshqaruv raisi o‘rinbosari Boboxon Abdullayev.
Xususan, memorandum quyidagilarni nazarda tutadi:
- ta’lim, fan va ishlab chiqarish sohasida innovatsion va korporativ hamkorlikni yo‘lga qo‘yish, bank tizimida malakali kadrlar tayyorlash va ularning malakasini oshirish bo‘yicha chora-tadbirlarni amalga oshirish:
- oliy ta’lim va ishlab chiqarishning o‘zaro integratsiyasini ta’minlash, talabalarning ijodiy va intellektual salohiyatini ro‘yobga chiqarish uchun zarur shart-sharoitlarni yaratish, yosh olimlarni amaliy qo‘llab-quvvatlash bo‘yicha kompleks chora-tadbirlarni amalga oshirish hamda oliy ta’lim, fan va ishlab chiqarish o‘rtasida innovatsion hamkorlikni yo‘lga qo‘yish.
- xalqaro tajribaga asoslangan ilg‘or oliy ta’lim standartlarini joriy etish, shu jumladan ta’lim dasturlarida nazariy bilimlarni olishga qaratilgan ta’limdan amaliy ko‘nikmalarni shakllantirishga qaratilgan tizimga bosqichma-bosqich o‘tishni ta’minlash;
- bank tizimining rivojlanish tendensiyalarini innovatsion asosda o‘rganish bo‘yicha qo‘shma loyihalarni yaratish va amalga oshirish, “Asakabank” AJ faoliyatini takomillashtirish uchun dolzarb muammoli mavzular ro‘yxatini shakllantirish va ushbu yo‘nalishlarda qo‘shma tadqiqotlar o‘tkazish, ilmiy ishlarni tayyorlash va nashr etish, “Asakabank” AJ universitetining bakalavriat va magistratura kurslarida tahsil olayotgan talabalarning ishlab chiqarish va malaka amaliyotini samarali tashkil etish”,
- malakali kadrlar tayyorlash maqsadida bankning yetakchi hodimlarini o‘quv jarayoniga jalb etish;
- hamkorlik doirasida “Asakabank tadqiqot markazi” ni tashkil etish va ochish;
- “Asakabank”AJ o‘qituvchilari va hodimlari ishtirokida universitet talabalari uchun amaliy mashg‘ulotlar, seminarlar o‘tkazish.
“Shuni ta’kidlash kerakki, universitet bakalavriat talabalari uchun chet el Oliy o‘quv yurtlari magistraturasida o‘qishni davom ettirish uchun sharoit yaratish maqsadida bank tomonidan maxsus stipendiya tizimi ishlab chiqildi va joriy etildi.
Bir qator testlarni topshirgandan so‘ng, universitetning eng iqtidorli bitiruvchilari dunyoning istalgan universitetida bepul o‘qish, shuningdek, bankimizga ishga joylashish imkoniyatiga ega bo‘ladilar”, - deya izoh berdi “Asakabank”AJ HR departament direktori Malika Mutalova.
Tadbir yakunida TSTU talabalari memorandum imzolash marosimiga maxsus tayyorlangan bank mavzusidagi hajviy sahnalarni namoyish etdilar.
Reklama huquqi asosida.
Izoh (0)