Bugun,

  • USD 11095.31
  • RUB 173.84
  • EUR 10772.44

“Daryo” nashri 5-oktabrda O‘zbekiston va jahonda sodir bo‘lgan eng muhim voqealarni e’tiboringizga havola etadi.

Prezident Shavkat Mirziyoyev kuz-qish mavsumidagi viloyat safarlarini boshladi

Shavkat Mirziyoyev qishloq xo‘jaligidagi ishlar holati, aholi hayoti bilan tanishish maqsadida 6-oktabr kuni Sirdaryo viloyatiga keldi, deb xabar bermoqda prezident matbuot xizmati.Ma’lum qilinishicha, davlat rahbari Sirdaryo tumanidagi bir nechta fermer xo‘jaliklari dalasini ko‘zdan kechirib,  shu yerda sirdaryolik fermerlar, nuroniylar bilan suhbatlashgan.Prezident Sirdaryo viloyatiga tashrif chog‘ida Sayxunobod tumanidagi klasterni borib ko‘rdi.

Davlat rahbari bu yerda jurnalistlar bilan ham muloqot qilib: “Sirdaryoda 2023-yili ishsizlikni tugatishga bor kuchimiz bilan harakat qilamiz. Klasterlarda, fermer xo‘jaliklarda, shuningdek, viloyatning turli hududlarida yangi ish o‘rinlari yaratamiz, — deya ta’kidlagan.

Zaporojye shahridagi turar joylarga raketa zarbalari berildi.

6-oktabr kuni erta tongda Rossiya qo‘shinlari Ukraina hukumati nazorati ostidagi Zaporojye shahriga yettita raketa hujumi uyushtirdi. Bu haqda Zaporojye viloyati harbiy boshqarmasi boshlig‘i Aleksandr Starux ma’lum qildi.

Staruxning so‘zlariga ko‘ra, zarbalar nishoni infratuzilma obyektlari bo‘lgan, ammo raketalar ko‘p qavatli turar joy binolariga tushgan. Uylar jiddiy shikastlangan, shaharda yong‘inlar boshlangan.

“Zaporojye shahriga raketa hujumlari oqibatida ikki ayol halok bo‘ldi, yana besh kishi vayronalar ostida qolmoqda”, — dedi Starux.

Bundan avvalroq Rossiya prezidenti Vladimir Putin hukumatga Rossiya tarkibiga kiritilgan Zaporojye viloyati hududida joylashgan Zaporojye atom elektr stansiyasi obyektlarini RF federal mulkiga o‘tkazishni topshirdi. Tegishli farmon huquqiy axborot rasmiy internet-portaliga joylangan.

Polsha AQSHdan unga yadro qurolidan foydalanish imkoniyatini berishni so‘radi

Polsha Rossiya tomonidan o‘sib borayotgan xavflarga qarshi turish uchun yadro qurolidan birgalikda foydalanish dasturida ishtirok etish bo‘yicha AQSH bilan muzokaralar olib bormoqda. Bu haqda Polsha prezidenti Anjey Dudaning Gazeta Polska nashriga bergan intervyusiga tayanib, “Ukrainskaya Pravda” xabar berdi.

Yadro qurolidan birgalikda foydalanish dasturida ishtirok etish bo‘yicha potensial imkoniyat doim mavjud. Biz amerikalik yetakchilar bilan AQSH shunday imkoniyatni ko‘zda tutyaptimi-yo‘qmi — shu haqda gaplashdik. Mavzu ochildi”, — dedi Anjey Duda.

Yadro qurolidan birgalikda foydalanish dasturi NATOning yadroviy tiyib turish siyosatining bir qismi bo‘lib, u bunday quroli bo‘lmagan a’zo mamlakatlarga uni qo‘llashni rejalashtirishda qatnashish imkonini beradi

Shimoliy Koreya o‘zining raketa sinovlarini AQSH va Janubiy Koreya mashg‘ulotlariga “adolatli javob” deb atadi

Shimoliy Koreya so‘nggi kunlarda amalga oshirgan raketa sinovlarini AQSH va Janubiy Koreyaning qo‘shma mashg‘ulotlariga adolatli javob deb atadi. Bu haqda Koreya markaziy telegraf agentligiga tayanib, “Kommersant” xabar bermoqda.

Shimoliy Koreya o‘tgan hafta Yapon dengiziga to‘rtta ballistik raketa uchirgan edi. 4-oktabr kuni esa mamlakat Yaponiya tomonga raketa uchirdi. 6-oktabr kuni Shimoliy Koreya Yapon dengizi tomon yana ikkita raketa uchirdi. Bu AQSH va Janubiy Koreya yirik harbiy mashg‘ulotlar olib borayotgan paytda yuz berdi. Vashington KXDRning raketa uchirishlari sabab BMT Xavfsizlik kengashi yig‘ilishini o‘tkazishni so‘ragan.

Izoh
Asosiy yangiliklar
Maslahatlar
Bir necha daqiqa ichida djinsi kiyimlardan yog‘ dog‘larini tozalashga yordam beradigan usullar
Mahalliy
Surxondaryoda “Jiguli” qo‘ylar podasini urib yubordi
Mahalliy
“Biz uchun JSTga qo‘shilish mutlaq ustuvor vazifa” –  tashqi savdo vaziri o‘rinbosari Badriddin Obidov